- ભારત-ચીન સીમા વિવાદ વચ્ચે રાજનાથ સિંહ આજે રશિયાના પ્રવાસ માટે થયા રવાના
- રક્ષા મંત્રી રશિયાના 3 દિવસના પ્રવાસ માટે રવાના થયા
- SCOની બેઠકમાં તેઓ ચીનના રક્ષામંત્રી સાથે મુલાકાત નહીં કરે: સૂત્ર
ભારત અને ચીન વચ્ચે સીમા વિવાદ હજુ પણ ઉકેલ્યો નથી ત્યારે આજે રક્ષામંત્રી રાજનાથ સિંહ રશિયાના પ્રવાસ માટે રવાના થયા છે. રક્ષા મંત્રી રશિયાના 3 દિવસના પ્રવાસ માટે રવાના થયા છે. આ 3 દિવસના પ્રવાસ દરમિયાન તેઓ શાંઘાઇ સહયોગ સંગઠન (SCO) ની બેઠકમાં ભાગ લેશે. સૂત્રોનુસાર SCOની બેઠકમાં રક્ષામંત્રી રાજનાથ સિંહ ચીનના રક્ષામંત્રી સાથે મુલાકાત નહીં કરે.
Delhi: Defence Minister Rajnath Singh leaves for Moscow on a three-day visit to Russia. He will attend the Shanghai Cooperation Organization (SCO) Defence Ministers’ meeting during his visit. pic.twitter.com/HYYH5P7m8Z
— ANI (@ANI) September 2, 2020
પ્રાપ્ત અહેવાલ અનુસાર, 4 સપ્ટેમ્બરના રોજ રાજનાથ સિંહ SCOની બેઠકમાં સામેલ થવાના છે. એક જાણકારી પ્રમાણે શાંઘાઇ સહયોગ સંગઠનની આ બેઠકમાં ચીનના રક્ષામંત્રી વેન ફેંગ પણ સામેલ થાય તેવી સંભાવના છે.
ભારત અને ચીન વચ્ચે હાલ સંબંધોમાં તણાવ જોવા મળી રહ્યો છે. આ વચ્ચે આ મહત્વની બેઠકમાં પ્રથમવાર બંને દેશ આમને-સામને હશે. આપને જણાવી દઇએ કે આ સંગઠનમાં ભારત અને રશિયાની સાથે ચીન પણ સભ્ય છે.
મહત્વનું છે કે, રાજનાથ સિંહ આ બેઠકમાં ભાગ લીધા બાદ અને 3 દિવસીય પ્રવાસ પૂર્ણ કર્યા બાદ 5 સપ્ટેમ્બરના રોજ ભારત પરત ફરશે. તેઓ 5 સપ્ટેમ્બરની સાંજે મોસ્કોથી દિલ્હી પરત ફરશે ભારત-ચીન વચ્ચે હાલમાં ફરી થયેલી અથડામણ વચ્ચે રાજનાથ સિંહનો મોસ્કો પ્રવાસ અને SCOની બેઠકને ખૂબજ મહત્વપૂર્ણ માનવામાં આવે છે. આ બેઠકમાં રક્ષામંત્રી રાજનાથ સિંહ ચીન વિરુદ્વ અક્કડ વલણ દર્શાવે તેવું માનવામાં આવી રહ્યું છે.
(સંકેત)