- વર્ષ 2020માં ઇસરોનું પ્રથમ મિશન
- ઇસરો 7 નવેમ્બરે ‘EOS-01’ સેટેલાઇન કરશે લૉન્ચ
- આ સેટેલાઇટથી દુશ્મનો પર રખાશે બાજ નજર
નવી દિલ્હી: ઇન્ડિયન સ્પેસ રિસર્ચ ઓર્ગેનાઇઝેશન (ઇસરો) આ વર્ષનો પહેલો સેટેલાઇટ નવેમ્બરમાં લોન્ચ કરશે. 7 નવેમ્બરના રોજ શ્રી હરિકોટાના સતીશ ધવન સ્પેસ સેન્ટરથી બપોરે 3.02 મિનિટે આ સેટેલાઇટ લૉન્ચ કરાશે. ઇસરોએ આ જાણકારી આપી હતી.
ઇસરો અનુસાર, સેટેલાઇટ ‘EOS-01’ (અર્થ ઓબ્ઝર્વેશન સેટેલાઈટ)ને PSLV-C 49 રોકેટ દ્વારા લૉન્ચ કરાશે. તે ઉપરાંત 9 કસ્ટમર સેટેલાઇટ પણ લૉન્ચ કરવામાં આવશે. ન્યૂ સ્પેસ ઇન્ડિયા લિમિટેડ સાથે એક કર્મશિયલ એગ્રીમેન્ટ અંતર્ગત આ સેટેલાઇને લૉન્ચ કરવામાં આવી રહ્યા છે.
#ISRO #PSLVC49 set to launch #EOS01 and 9 Customer Satellites from Satish Dhawan Space Centre in Sriharikota at 1502 Hrs IST on Nov 7, 2020, subject to weather conditions.
For details visit: https://t.co/0zULuciUep pic.twitter.com/VFPxWNdPKe
— ISRO (@isro) October 28, 2020
દુશ્મનો પર રાખશે બાજ નજર
‘EOS-01’ અર્થ ઓબ્ઝર્વેશન રિસેટ સેટેલાઇટની એક એડવાન્સ્ડ સિરીઝ છે. સેટેલાઇટના સિન્થેટિક અપર્ચર રડાર (SAR)માં કોઇપણ સમયે અને મોસમમાં પૃથ્વી પર નજર રાખવાની ક્ષમતા છે. આ સેટેલાઇટ વાદળોની વચ્ચે પણ પૃથ્વી પર નજર રાખી શકે છે. તેનાથી દુશ્મનોની ગતિવિધિઓ પર પણ બાજ નજર રાખી શકશે અને ભારત દુશ્મનની દરેક ચાલથી સતર્ક રહી શકશે.
આ સેટેલાઇટથી ભારતીય સેનાને ઘણી મદદ મળી રહેશે. સેટેલાઇટની મદદથી ચીન સહિત તમામ દુશ્મનો પર નજર રાખવામાં સરળતા રહેશે. આ ઉપરાંત સેટેલાઇટનો ઉપયોગ ખેતી, ફોરેસ્ટ્રી અને પૂરની સ્થિતિ પર નજર રાખવા જેવી સિવિલ એપ્લિકેશન માટે પણ કરાશે.
આ મિશન બાદ ઇસરો બીજા મિશનની પણ તૈયારીમાં છે. ઇસરો ડિસેમ્બરમાં જીસેટ-12 કમ્યુનિકેશન સેટેલાઇટને PSLV-C50 રોકેટ દ્વારા લોન્ચ કરવાની તૈયારીમાં છે.
(સંકેત)
