- મિલિંદ સોમનને થયો કોરોના
- ખુદ હોમ આઇસોલેશન થયા
- ટ્વિટ કરીને આપી જાણકારી
મુંબઈ: કોરોના વેક્સીન દુનિયાના ઘણા દેશોમાં આવી ગઈ છે.અને વેક્સીનેશન પણ શરૂ થઇ ગયું છે.પરંતુ બોલિવુડના ઘણા સ્ટાર્સ તેની ચપેટમાંથી બચ્યા નથી. આમિર ખાન, કાર્તિક આર્યન, રણબીર કપૂર, આર માધવન સાથે હવે મિલિંદ સોમનને પણ કોરોના થયો છે.
બોલિવુડ એક્ટર અને મોડેલ મિલિંદ સોમન કોરોના વાયરસથી સંક્રમિત થયા છે. તેણે આ માહિતી ગુરુવારે તેના વેરિફાઇડ ટ્વિટર હેન્ડલ પરથી ટ્વિટ કરીને ચાહકોને આપી હતી. 55 વર્ષીય મિલિંદ ખુદ હોમ આઇસોલેશન થયા છે. જો કે, અભિનેતાએ આનાથી વધુ માહિતી શેર કરી નથી, તેથી ચાહકો ખુબ જ ચિંતિત છે. અને તે તેમને ટ્વિટ કરીને સલામત રહેવાનું કહી રહ્યા છે.
મિલિંદે તેના ટ્વિટમાં લખ્યું કે, ટેસ્ટ પોઝિટિવ આવ્યો છે. હું ક્વોરેન્ટાઇન છું. મિલિંદ એક ફિટનેસ ફ્રીક છે. અને મોટાભાગની પ્રાકૃતિક અને પાયાની બાબતો સાથે જોડાયેલા રહેવામાં માને છે. તે સતત વીડિયો અને ફોટો શેર કરીને પોતાના ચાહકોને ફિટનેસ માટે પ્રોત્સાહિત કરે છે. છેલ્લા કેટલાક મહિનાઓમાં તે વેકેશન માટે ગોવા ગયા હતા.
મિલિંદ સોમનની પત્ની અંકિતા કોંવર તેમનાથી ઉંમરમાં નાની છે, પરંતુ તે ફિટનેસમાં પણ ઘણી સક્રિય છે. મિલિંદે હાલમાં તેની માતા વિશે સોશિયલ મીડિયા પોસ્ટ કરીને જણાવ્યું હતું કે, 80 ના દાયકાને પાર કર્યા પછી પણ કેવી રીતે ઘણા પુશઅપ્સ કરી લે છે. કરિયરની વાત કરીએ તો મિલિંદ વર્ષ 1995માં અલીશા ચિનાઈ દ્વારા બનેલા મ્યુઝિક વીડિયો મેડ ઇન ઇન્ડિયાથી મશહૂર થયા હતા.
-દેવાંશી
