અભિનેતા પંકજ કપૂરનો જન્મદિવસઃ- ટિવી શો થી લઈને મોટી સ્ક્રિન પર કામ કરનાર પંકજ કપૂરની શાનદાર એક્ટિંગે દર્શકોના જીત્યા છે દિલ

• અભિનેતા પંકજ કપૂરનો જન્મદિવસઃ-
• નાના પડદેથી લઈને મોટી સ્ક્રિન પર કર્યું છે કામ

મુંબઈઃ- બોલિવૂડના અભિનેતા પંકજ કપૂર એક એવા કલાકાર છે જેમણે મોટા પડદાથી લઈને નાના પડદા સુધી દરેક જગ્યાએ પોતાની પ્રતિભા સાબિત કરી બતાવી છે. 29 મે વર્ષ 1954 માં લુધિયાણામાં જન્મેલા પંકજ કપૂરે મનોરંજનની દુનિયામાં પોતાની આગવી ઓળખ બનાવી છે. તેનો પુત્ર શાહિદ કપૂર પણ ઇન્ડસ્ટ્રીમાં એક મોટું નામ છે.

પંકજ કપૂરે શ્યામ બંગાળની ફિલ્મ અરોહન વર્ષ 1982થી ફિલ્મોમાં પ્રવેશ કર્યો હતો. ત્યાર બાદ વર્ષ 1982માં તેમણે રિચર્ડ એટનબરોની ફિલ્મ ‘ગાંધી’ માં મહાત્મા ગાંધીના બીજા સચિવ પ્યારેલાલની ભૂમિકા ભજવી. આ ફિલ્મમાં તેમનું પાત્ર ખૂબ નાનું પણ પ્રભાવશાળી રહ્યું હતું. આ ફિલ્મે 8 ઓસ્કાર જીત્યાં હતા.

ત્યારના સમયમાં જ્યારે મોટા પડદાના કલાકારો નાના પડદે અભિનય કરવાનું યોગ્ય માનતા ન હતા, ત્યારે પંકજ કપૂરે ટીવી પર પોતાની સફળ કારકિર્દી પણ બનાવી હતી. 80 ના દાયકામાં તેણે ડિટેક્ટીવ સીરિયલ ‘કરમચંદ’માં મુખ્ય ભૂમિકા અદા કરીને દર્શકોના દિલમાં ખાસ શ્થાન બનાવ્યું હતું.

પંકજ કપૂરે નેશનલ સ્કૂલ ઓફ ડ્રામામાં અભ્યાસ કર્યો. તેમણે પોતાનો ઘણો સમય થિયેટરમાં વિતાવ્યો હતો. એવું કહેવામાં આવે છે કે થિયેટર કલાકારની અભિનય કરવાની રીત અલગ છે. પંકજ કપૂર પણ ચહેરાના હાવભાવથી પાત્રને  ખાસ જાળવી રાખવામાં માહિર છે,તેમનો ા ખાસ ગુણ તેની ફિલ્મો અને ટીવી સિરિયલોમાં પણ જોવા મળ્યો હતો.

પંકજ કપૂરને ‘મકબુલ’ અને ‘ડોક્ટર કી મૌત’ ફિલ્મો માટે ખૂબ પસંદ કરવામાં આવ્યા હતા આ ફિલ્મોને લઈને તેમના ઘણા વખાણ થયા હતા. તે જ સમયે, તે ‘ધર્મ’,ચમેલી , ‘એક રુકા હુઆ ફેસલા, ‘મેં પ્રેમ કી દીવાની હુ’ જેવી ફિલ્મોમાં પણ શાનદાર અભિનય સાથે જોવા મળ્યા હતા.

ટિવી પરદે પંકજ કપૂરે પોતાની એક્ટિંગનો શાનદાર જાદૂ ચલાવ્યો હતો, ‘કરમચંદ’ સિવાય તેમના પાત્રને ટીવી શો ‘ઓફિસ ઓફિસ’ માં જબરદસ્ત ખ્યાતિ મળી. તેમણે આ શોમાં મુસાદ્દીલાલની ભૂમિકા ભજવી હતી જેમાં વ્યંગ્ય તરીકેની સિસ્ટમના ભ્રષ્ટાચારને દર્શાવ્યો હતો.

ફિલ્મો અને ટીવી સિવાય પંકજ કપૂરે પણ તેમના અંગત જીવને લઈને ઘણા ચર્ચામામં રહ્યા છે,. નેશનલ સ્કૂલ ઓફ ડ્રામા દરમિયાન તે અભિનેત્રી અને નૃત્યાંગના નીલિમા અઝીમને મળ્યા હતા. બંનેની મિત્રતા પ્રેમમાં ફેરવાઈ અને પછી તેમનાં લગ્ન થઈ ગયાં. આ પછી શાહિદ કપૂરનો જન્મ થયો. આજે શાહિદ પણ તેના પિતાની જેમ એક સફળ અભિનેતા બની ગયો છે.

જોકે, પંકજ કપૂરના નીલિમા સાથેના લગ્ન લાંબા સમય સુધી ટકી શક્યા નહીં. આ પછી, પંકજ કપૂરના જીવનમાં સુપ્રિયા પાઠકની એન્ટ્રી થઈ હતી. સુપ્રિયા અને પંકજ આજે તેમના લગ્ન જીવનમાં ખુશ છે. તે જ સમયે, શાહિદ કપૂર તેની બંને માતાઓને ખૂબ પસંદ કરે છે. શાહિદ અને પંકજ કપૂર ઘણી ફિલ્મોમાં સાથે દેખાયા હતા. બંનેએ ‘ફેન્ટાસ્ટિક’ અને ‘મૌસમ’માં સાથે કામ કર્યું છે.