બોલિવુડ એક્ટ્રેસ ભૂમિ પેડનેકર જોવા મળશે નવા અવતારમાં: ફિલ્મ ‘દુર્ગામતી ધ મિથ’ નું શાનદાર ટ્રેલર થયું રીલીઝ

• ફિલ્મ ‘દુર્ગામતી ધ મિથ’ નું ટ્રેલર રીલીઝ
• ફિલ્મ ઓટીટી પ્લેટફોર્મ પર થશે રીલીઝ
• સાઉથની ફિલ્મ ભાગમતીની છે હિન્દી રિમેક

મુંબઈ: બોલિવુડ એક્ટ્રેસ ભૂમિ પેડનેકર સ્ટાર હોરર થ્રિલર ફિલ્મ ‘દુર્ગામતી ધ મિથ’ નું શાનદાર ટ્રેલર રીલીઝ થઈ ગયું છે. અક્ષય કુમાર, ભૂષણ કુમાર અને વિક્રમ મલ્હોત્રાના પ્રોડક્શનમાં બની રહેલી આ ફિલ્મમાં ભૂમિ પેડનેકરે દુર્ગામતીની ભૂમિકાને જીવંત કરી છે. ગઈકાલે આ ફિલ્મનું એક ટીઝર રીલીઝ કરવામાં આવ્યું હતું, ત્યારબાદ અક્ષય કુમારે ઇન્સ્ટા પર તેના ટ્રેલર વિશે માહિતી આપી હતી.

આ ફિલ્મ ઓટોટી પ્લેટફોર્મ પર રીલીઝ થશે. તેને 11 ડિસેમ્બરના રોજ એમેઝોન પ્રાઇમ વીડિયો પર જોઈ શકાશે. ગઈકાલે અક્ષય કુમારે ફિલ્મનું શાનદાર ટીઝર રીલીઝ કર્યું હતું,જેને ખુબ જ સારી રીતે પસંદ કરવામાં આવ્યું હતું.

આજે દુર્ગામતી ધ મિથનું ટ્રેલર રીલીઝ કરવામાં આવ્યું છે અને તેમાં ભૂમિ પેડનેકર એક નવા અવતારમાં જોવા મળી રહી છે. જેની ખૂબ પ્રશંસા થઈ રહી છે.

આ ફિલ્મનું નિર્દેશન જી.અશોક દ્વારા કરવામાં આવ્યું છે. અને તે એક હોરર થ્રિલર પર બેસ્ડ ફિલ્મ છે. જો સ્ટારકાસ્ટ વિશે વાત કરવામાં આવે તો ફિલ્મમાં ભૂમિ સિવાય માહી ગિલ,અરશદ વારસી, જિશુ સેનગુપ્તા, કરણ કપાડિયા પણ જોવા મળશે. વાર્તા બદલો અને સબક પર આધારિત છે.

ફિલ્મમાં ભૂમિ આઈએએસ અધિકારીની ભૂમિકામાં નજરે પડશે. જ્યારે તેમનું અન્ય પાત્ર દુર્ગામતીના રૂપમાં પણ જોવા મળશે. આ ફિલ્મમાં માહી ગિલ પોલીસની ભૂમિકા નિભાવી રહી છે. આ સાથે અરશદ વારસી રાજકારણીની ભૂમિકામાં જોવા મળશે.

એવું કહેવામાં આવી રહ્યું છે કે, દુર્ગામતી ધ મિથ સાઉથની સુપરહિટ ફિલ્મ ભાગમતીની હિન્દી રિમેક છે. તે ફિલ્મમાં ભૂમિ પેડનેકર જેવું મુખ્ય પાત્ર અનુષ્કા શેટ્ટીએ ભજવ્યું હતું.

_Devanshi