પ્રભાસે ‘રાધે શ્યામ’નું પ્રી-ટીઝર શેર કર્યું,’વેલેન્ટાઇન ડે’ પર ફેંસને આપશે આ ભેટ

• પ્રભાસે શેર કર્યું ‘રાધે શ્યામ’નું પ્રી-ટીઝર
• પ્રી-ટીઝરમાં બાહુબલી અને સાહોના લૂકની ઝલક
• ‘વેલેન્ટાઇન ડે’ ના દિવસે રિલીઝ થશે ટીઝર

સુપરસ્ટાર પ્રભાસે તેની આગામી ફિલ્મ રાધે શ્યામનું શોર્ટ પ્રી-ટીઝર રિલીઝ કર્યું છે. આ ટીઝરની શરૂઆત પ્રભાસના બાહુબલી લુકથી થાય છે,ત્યારબાર ફિલ્મ સાહોનો એક સીન આવે છે,જેમાં પ્રભાસ શેરીમાં ચાલતો નજરે પડે છે.અને સ્નોફલો થઇ રહ્યો છે. તે કઇક વિચારીને હસતા – હસતા ચાલતો હોય છે. આ શોર્ટ પ્રી-ટીઝરને શેર કરતાં મેકર્સએ લખ્યું કે, આ આખુ ટીઝર 14 ફેબ્રુઆરીએ રિલીઝ થશે.

આ પ્રી-ટીઝરને જોઇને ચાહકો ખુબ જ ઉત્સાહિત છે. અને 14 ફેબ્રુઆરીની રાહ જોઇ રહ્યા છે. તેમણે માઇક્રો-બ્લોગિંગ વેબસાઇટમાં લખ્યું છે, સૌથી મોટી લવ એનાઉન્સમેન્ટ માટે તૈયાર રહો. 14 ફેબ્રુઆરીની તારીખ યાદ રાખો.ફિલ્મમાં પ્રભાસ અને પૂજા હેગડે મુખ્ય ભૂમિકામાં છે.આ પહેલા ફિલ્મમાંથી પ્રભાસનો લૂક સામે આવ્યો હતો. આ સાથે જ પૂજા હેગડેનું પોસ્ટર પણ સામે આવ્યું છે.

આ રોમેન્ટિક ડ્રામા ફિલ્મને રાધા કૃષ્ણ કુમાર દ્વારા લખવામાં અને દિગ્દર્શન કરવામાં આવી છે. આ સિવાય જસ્ટિન પ્રભાકરએ ફિલ્મનું સંગીત આપ્યું છે. ફિલ્મમાં પ્રભાસ અને પૂજા ઉપરાંત સચિન ખેડેકર, ભાગ્યશ્રી, મુરલી શર્મા, કૃણાલ રોય કપૂર અને અન્ય કલાકારો મહત્વપૂર્ણ ભૂમિકામાં જોવા મળશે.

-દેવાંશી