કલા કોઈ પણ ધર્મ, જાતિ, પ્રાંત, લિંગ કે ઉંમરની મોહતાજ નથી એ મહેશ-નરેશની બેલડીએ સિદ્ધ કરી બતાવ્યું- જયરાજસિંહ પરમાર
લઘુતાગ્રંથી અને નકારત્મકતાને ખંખેરી મૂખ્યધારામાં પ્રવેશ જ નહી એ ધારા અને પ્રવાહને પોતાના આગવા અંદાજથી સ્વયં તરફ વહેવા મજબુર કરનાર મહેશ- નરેશની બેલડી લાખો કરોડો લોકો માટે પ્રેરણાસ્ત્રોત હતા.
મહેશભાઈ અને નરેશભાઈનો જન્મ એક નાનકડા ગામ કનોડામાં અને એ પણ દરિદ્રતા બારસાખે ટીંગાઈ હોય તેવા ખોરડામાં થયો. ઉપેન્દ્ર ત્રિવેદી, અવિનાશ વ્યાસ, રમેશ મહેતા, શ્રીકાન્ત સોની જેવા રૂપાળા અને જામી ગયેલા કલાકારોનો ઢોલીવુડમાં દબદબો હતો એ જમાનામાં નરેશભાઈ સિવાય કોઈ ગ્લેમરની દુનિયાના દ્વારે ટકોરા મારવાનું વિચારી પણ ના શકે તેવી સ્થિતિ પણ આ કલાકારે તમામ રૂઢીગત માન્યતાઓને પોતાની એક અલગ અદાથી તોડી અને પ્રસંશકોનો એક વર્ગ ઉભો કર્યો. નરેશભાઈએ સિદ્ધ કર્યું કે કલા દેખાવની પણ મોહતાજ નથી. આ કલાકારે અસામાન્ય લોકચાહના મેળવી. માત્ર ફીલ્મી જ નહી સામાજીક અને રાજકીય ક્ષેત્રે પણ એક છાપ છોડી.
નરેશભાઈ આપણી વચ્ચે નથી. મહેશ ભાઈની વિદાયનો આઘાત હજુ તાજો જ હતો ત્યાં અધુરી થયેલી જોડી પુરી કરવા નરેશભાઈ તેમની પાછળ ચાલી નીક્ળ્યા. અડઘી સદીથી વધુ ગુજરાતીઓને મનોરંજન પુરૂ પાડનાર સંગીત બેલડી હવે હંમેશા આપણી યાદોમાં રહેશે.
