શહીદ ભગતસિંહ અને તેમની બહાદુરીની ગાથા દેશવાસીઓ માટે હંમેશા પ્રેરણારૂપ રહેશે – ભગતસિંહની 113મી જન્મ જયંતિ પર પીએમ મોદી
- 28 સપ્ટેમ્બર એટલે ભગતસિંહની જન્મજયંતિ
- પીએમ મોદી અને ગૃહમંત્રી અમિત શાહે કર્યું ટવિટ
- સામ્રાજ્યવાદ મુર્દાબાદ, ઇન્કલાબ જિંદાબાદના આપ્યા હતા સંદેશ
આજે શહીદ ભગતસિંહનો જન્મદિવસ છે. વડાપ્રધાન નરેન્દ્ર મોદીએ તેમના ચર્ચિત રેડિયો કાર્યક્રમ ‘મન કી બાત’ દરમિયાન શહીદ વીર ભગતસિંહની જન્મજયંતિની પણ ચર્ચા કરી હતી. વડાપ્રધાન મોદીએ કહ્યું, શું તમે કલ્પના કરી શકો છો, દુનિયાના આટલા મોટા ભાગ પર શાસન કરનારી એક સરકાર, એવું કહેવાતું હતું કે તેમના શાસનમાં સૂર્ય ક્યારેય અસ્ત થતો ન હતો. આવી તાકાતવર સતા, એક 23-વર્ષીય યુવકથી ભયભીત થઇ ગઈ હતી.
પીએમ મોદીએ ટવિટ કરીને લખ્યું, માં ભારતીના વીર સપૂત અમર શહીદ ભગતસિંહની જન્મજયંતિ પર તેમને કોટી – કોટી પ્રણામ. તેમની બહાદુરી અને પરાક્રમની ગાથા દેશવાસીઓને યુગો-યુગો સુધી પ્રેરિત કરતી રહેશે.
मां भारती के वीर सपूत अमर शहीद भगत सिंह की जयंती पर उन्हें कोटि-कोटि नमन। वीरता और पराक्रम की उनकी गाथा देशवासियों को युगों-युगों तक प्रेरित करती रहेगी। pic.twitter.com/LMy2Mlpkol
— Narendra Modi (@narendramodi) September 28, 2020
દેશના ગૃહમંત્રી અમિત શાહે શહીદ ભગતસિંહને યાદ કરતાં કહ્યું કે, તેમના પરિવર્તનશીલ વિચારો અને અનોખા ત્યાગથી સ્વતંત્રતા સંગ્રામને નવી દિશા આપી અને દેશના યુવાનોમાં સ્વતંત્રતાના સંકલ્પને જાગૃત કરનારા શહીદ ભગતસિંહના ચરણોમાં કોટી – કોટી વંદન, ભગત સિહં વર્ષો સુધી તમામ દેશવાસીઓ માટે અમૂલ્ય પ્રેરણા સ્ત્રોત રહેશે.
अपने परिवर्तनकारी विचारों व अद्वितीय त्याग से स्वतंत्रता संग्राम को नई दिशा देने वाले और देश के युवाओं में स्वाधीनता के संकल्प को जागृत करने वाले शहीद भगत सिंह जी के चरणों में कोटि-कोटि वंदन।
भगत सिंह जी युगों-युगों तक हम सभी देशवासियों के प्रेरणा के अक्षुण स्त्रोत रहेंगे। pic.twitter.com/Zlj7KU2TIK
— Amit Shah (@AmitShah) September 28, 2020
23 વર્ષની ઉંમરે હસતા હસતા ફાંસી પર લટકાયેલા ભગતસિંહનું બલિદાન ભૂલી શકાતું નથી. 23 માર્ચ 1931ના રોજ ભગતસિંહ, સુખદેવ અને રાજગુરુ સાથે ફાંસી આપવામાં આવી હતી. જે પછી તેનું નામ ઇતિહાસમાં સોનેરી અક્ષરોમાં નોંધાયું છે. રાષ્ટ્રવાદી ચળવળમાં પોતાનો જીવ બલિદાન આપનારા ક્રાંતિકારીઓમાં તે એક હતા.
ભગતસિંહને ફિલ્મોનો શોખ હતો
ભગતસિંહનો જન્મ 28 સપ્ટેમ્બર 1907 માં અવિભાજિત ભારતના લાયલપુર જિલ્લાના બંગામાં થયો હતો. હવે તે પાકિસ્તાનમાં છે, તેમનું પૂર્વજ ગામ ખટકડ કલા છે જે પંજાબમાં છે. દરેક યુવાનોની જેમ ભગતસિંહને પણ ફિલ્મ જોવાનો શોખ હતો. તેમને ચાર્લી ચેપ્લિનની ફિલ્મો ખૂબ જ ગમતી હતી. ભગતસિંહને રસગુલ્લા ખાવાનો પણ ખૂબ જ શોખ હતો. લોંગ શૂઝ પણ ભગતસિંહની પસંદમાં શામેલ કરવામાં આવ્યા હતા. તેના લાંબા પગરખાં હજી અમૃતસરના મ્યુઝીયમમાં રાખવામાં આવ્યા છે.
પંડિતે કરી હતી ભવિષ્યવાણી
દેશની સાથે ભગતસિંહ તેમના પરિવારને પણ પ્રેમ કરતા હતા. ભગતસિંહની ફાંસીના સમાચાર પર તેની માતાએ ગુરુદ્વારામાં પાઠ કરાવ્યો હતો. જયારે ભગતસિંહને આ વાતની ખબર પડી ત્યારે તેણે તેની માતા સાથે આ વિશે વાત કરી. ભગતસિંહના માતાપિતાએ તેની કુંડળી એક પંડિતને બતાવી. પંડિતે કહ્યું હતું કે તમારા દીકરાનું મોટું નામ હશે. પંડિતે કહ્યું હતું કે એક સન્માનિત વસ્તુ પણ તેના ગળામાં પહેરવામાં આવશે.
બંદૂકો ઉગાડી રહ્યો છે દેશની આઝાદી માટે
એક કિસ્સો એવો પણ છે કે જ્યારે પિતા કિશનસિંહ તેના મિત્રના ખેતરમાં ગયા હતા, ત્યારે તેઓ ભગતસિંહને સાથે લઈ ગયા હતા. પિતા મિત્ર સાથે વાતચીતમાં લાગ્યા હતા અને 5 વર્ષનો ભગતસિંહ ખેતરમાં મગ્ન બની ગયો. અન્ય બાળકો ખેતરોમાં નાના છોડ લગાવી રહ્યા હતા. કિશનસિંહના મિત્ર નંદ કિશોર મહેતા તેમની પાસે આવ્યા અને નામ પૂછ્યું .. છોકરાએ કહ્યું ભગતસિંહ. જ્યારે મહેતાજીએ ભગતસિંહને પૂછ્યું કે તું શું કરી રહ્યો છે… તો ભગતસિંહે ગર્વથી કહ્યું કે હું બંદૂકો ઉગાડી રહ્યો છું. જ્યારે તેને પૂછવામાં આવ્યું કે બંદૂકો કેમ… તો ભગતસિંહે કહ્યું કે દેશને આઝાદ કરવા માટે…
જેલમાંથી આપ્યા હતા આ બે સંદેશ
જેલમાં હતા ત્યારે ભગતસિંહને તેમના વકીલ પ્રાણનાથ મહેતા દ્વારા પૂછવામાં આવ્યું કે શું તે દેશને કોઈ સંદેશ આપવા માંગે છે, જેના પર ભગતસિંહે કહ્યું હતું કે માત્ર બે સંદેશા સામ્રાજ્યવાદ મુર્દાબાદ, ઇન્કલાબ જિંદાબાદ…
આ કેસમાં થઇ હતી ભગતસિંહને ફાંસી
બ્રિટિશ સરકાર દિલ્હી એસેમ્બલીમાં પબ્લિક સેફ્ટી બિલ અને ટ્રેડ ડિસ્પ્યુટ બિલને પાસ કરાવવાનો પ્રયત્નો કરી રહી હતી. આ તે બીલ હતું જેનો અર્થ ભારતીયો પર બ્રિટિશરોનું દબાણ વધારવાનું હતું. આ બિલને રોકવા માટે ભગતસિંહે તેમના સાથીદારો સાથે વિધાનસભામાં બોમ્બ ફેક્યો હતો. ભગતસિંહે એવી જગ્યાએ બોમ્બ ફેંક્યો જ્યાં ઓછા લોકો હતા. વિસ્ફોટમાં કોઈનું મોત નિપજ્યું ન હતું. ત્યારબાદ બટુકેશ્વર દત્ત અને ભગતસિંહે પોતાની જ ધરપકડ કરાવી. આ તેની યોજના હતી. ધરપકડની વચ્ચે તેમણે લોકોને પત્રિકાઓ વહેંચી કે જેના પર તેમણે લખ્યું. બહેરાઓને સાંભળવા માટે ખૂબ મોટેથી શબ્દોની જરૂર હોય છે. આ કેસને લાહોર ષડ્યંત્ર નામ આપવામાં આવ્યું હતું. આ કેસમાં ભગતસિંહને ફાંસી આપવામાં આવી હતી અને બટુકેશ્વર દત્તને કાલાપાણીની સજા આપવામાં આવી હતી.
_Devanshi
