- જમ્મુ કાશ્મીર માટે 1350 કરોડની ફળવણી
- પાણી અને વીજળી પર 50 ટકા રાહત
દિલ્લી: હાલ સંસદનું ચોમાસુ સત્ર ચાલી રહ્યું છે ત્યારે દેશના લોકોના હિત માટે અને દેશને આત્મનિર્ભર બનાવવાની દિશા તરફ કેન્દ્ર સરકાર દ્વારા અનેક સહાય આપવામાં આવી રહી છે. ત્યારે સરકાર દ્વારા જમ્મુ કાશ્મીર કેન્દ્ર શાસિત પ્રદેશ પર પણ ખાસ ધ્યાન આપવામાં આવ્યું છે .જમ્મુ કાશ્મીર માટે સરકારે 1350 કરોડની જાહેરાત કરી છે.
જમ્મુ-કાશ્મીરના લેફ્ટનન્ટ ગવર્નર મનોજ સિંહાએ આ બાબતે કહ્યું કે, આર્થિક સંકટનો સામનો કરી રહેલા ઉદ્યોગપતિઓ માટે 1,350 કરોડના આર્થિક સહાય પેકેજની ઘોષણા કરીને હું ખૂબ ખુશી અનુભવું છું. આ અનેક ઉદ્યોગકારો અને વેપારીઓને સુવિધા આપવા માટે તેમજ આત્મનિર્ભર ભારતના ફાયદાઓ અને લાભો માટે છે. આ સિવાય કેન્દ્રશાસિત પ્રદેશ માટે એક વર્ષ માટે 50 ટકા પાણી અને વીજળીના બીલની જાહેરાત કરવામાં આવી હતી.
આ સાથે જ મનોજ સિંહાએ એક વર્ષ માટે વીજળી અને પાણીના બીલો પર 50 ટકા ડિસ્કાઉન્ટની જાહેરાત પણ કરી છે. જમ્મુ-કાશ્મીરમાં વીજળી અને પાણીના બિલમાં એક વર્ષ સુધી 50 ટકા ડિસ્કાઉન્ટ આપવામાં આવશે. જેને લઇને લોકોને રાહત મળશે.
આ ઉપરાંત જમ્મુ-કાશ્મીરના તમામ દેવદાર મામલે સ્ટેમ્પ ડ્યુટીમાં માર્ચ 2021 સુધી છૂટ આપવામાં આવી છે. સરકાર દ્વારા અહીંના પર્યટન ક્ષેત્રના લોકોને નાણાકીય સહાયતા માટેની ચુકવણીના વિકલ્પો સાથે આર્થિક સહાય આપવા માટે કસ્ટમ આરોગ્ય-પર્યટન યોજનાની સ્થાપના પણ કરવામાં આવશે.
ચાલુ નાણાકીય વર્ષમાં છ મહિના માટે વ્યાવસાયિક સમુદાયના પ્રત્યેક ઉધારકર્તાઓને બિનશરતી 5 ટકા વ્યાજ આપવાનો નિર્ણય લેવામાં આવ્યો છે.
ઉપરાજ્યપાલે કહ્યું કે આ એક મોટી રાહત થશે અને રાજ્યમાં રોજગાર પેદા કરવામાં મદદ કરશે. ઉલ્લેખનિય છે કે મનોજ સિંહાએ શનિવારના રોજ પહેલી વખત જમ્મુ કાશ્મીર માટે કોઈ જાહેરાત કરી છે.
_Sahin
