શાહજહાંપુર : ઉત્તરપ્રદેશના શાહજહાંપુર જિલ્લાના રોજા ક્ષેત્રના જમુકા વળાંક પર મંગળવારે એક ગમખ્વાર સડક દુર્ઘટના સર્જાઈ છે. આ સડક દુર્ઘટનામાં એક ટ્રક છોટા હાથી અને ટેમ્પો પર પલટી મારી ગઈ હતી. આ અકસ્માતમાં 15 લોકોના ઘટનાસ્થળે જ મોત નીપજ્યા હતા.
આ દુર્ઘટનામાં ઘાયલ થયેલા અન્ય લોકોને સારવાર માટે ખસેડવાની તજવીજ હાથ ધરાઈ હતી. મૃતકોમાં મોટાભાગના શાકભાજી વિક્રેતા હોવાનું કહેવાઈ રહ્યું છે.
આ તમામ લોકો મેગલગંજ તરફથી એક છોટા હાથીમાં સવાર થઈને જઈ રહ્યા હતા. ગ્રામીણોની મદદથી પોલીસે ઈજાગ્રસ્તોને બહાર કાઢયા હતા.
