- વિશાલ દદલાનીનો આજે જન્મદિવસ
- પોતાના અવાજથી ફેંસનું જીત્યું દિલ
- ‘પ્યાર મેં કભી કભી’ થી કરી કારકિર્દીની શરૂઆત
મુંબઈ : જાણીતા ગાયક અને સંગીતકાર વિશાલ દદલાની આજે તેનો જન્મદિવસ ઉજવી રહ્યા છે. વિશાલ દદલાનીનો જન્મ 28 જૂન 1973 માં થયો હતો, એટલે કે આજે તેઓ તેનો 48 મો જન્મદિવસ ઉજવી રહ્યા છે. આ ખાસ પ્રસંગે સિંગરને ચારે તરફથી અભિનંદન મળી રહ્યા છે. તેમણે શેખર રાજવાણી સાથે મળીને હિન્દીથી મરાઠી સુધીની ફિલ્મોનું સંગીત આપ્યું હતું. વિશાલ દદલાનીએ તેની કારકિર્દીની શરૂઆત ‘પ્યાર મેં કભી કભી’ ગીતથી કરી હતી અને આ ગીત લોકોને પણ ખૂબ પસંદ આવ્યું હતું. આજે વિશાલની અવાજના લાખો ચાહકો છે, જે તેમના દરેક ગીતને પસંદ કરે છે.
વિશાલે પેન્ટાગ્રામ નામના લગભગ 4 લોકોનું બેન્ડ શરૂ કર્યું હતું. વિશાલનું આ ગ્રુપ ચોતરફ છવાયેલું હતું. ધીમે ધીમે વિશાલે તેના ગીતોથી ચાહકોમાં એક ખાસ ઓળખ બનાવી. હવે વિશાલ રિયાલિટી શોમાં પણ જજની ભૂમિકા નિભાવી રહ્યા છે.
જ્યારે પણ વિશાલનું નામ લેવામાં આવે ત્યારે શેખરનું પણ સાથે નામ લેવામાં છે. વિશાલ અને શેખરની જોડી ઘણા લાંબા સમયથી ચાહકોની સામે ગીત રજૂ કરી રહી છે. વિશાલે પોતે જ કહ્યું હતું કે તે અને શેખર ફિલ્મ ‘પ્યાર મેં કભી કભી’ માં સાથે કામ કરી રહ્યા હતા. આ સમય દરમિયાન બંનેએ હંમેશાં સાથે કામ કરવાનું નક્કી કર્યું હતું.
‘એક અજનબી’, ‘ડર્ટી પિક્ચર’, ‘બેંગ-બેંગ’, ‘ઓમ શાંતિ ઓમ’, ‘હેપી ન્યૂ યર’, ‘રા-વન’, ‘શાદી કે લડ્ડુ’, ‘શબ્દ’, ‘સ્લામ-નમસ્તે’, ‘ટશન’, ‘તીસમારખા’, ‘હેટ્રિક’, ‘નોક આઉટ’, ‘વી આર ફેમિલી’, ‘લંડન ડ્રીમ્સ’, ‘કુર્બાન’, ‘કમીને’, ‘દોસ્તાના’, ‘દસ’, ‘બ્લફમાસ્ટર’ ‘કાંટે’ ‘કહાની’, ‘અનજાના-અંજાની’, ‘દે તાલી’ જેવી ઘણી ફિલ્મોમાં વિશાલે શેખર સાથે કામ કર્યું છે.
