- વોટ્સએપમાં આવી રહ્યું છે નવું ફીચર
- વીડિયો અને ફોટા આપમેળે જ થઇ જશે ડીલીટ
- વોટ્સએપે આ ફીચરને એક્સપાયરિંગ મીડિયા નામ આપ્યું
નવી દિલ્લી: ફેસબુકની માલિકીની મેસેન્જર એપ વોટ્સએપ સતત તેના યુઝર્સ માટે નવા – નવા ફીચર આપવાનો પ્રયાસ કરી રહી છે. મેસેન્જર વોટ્સએપ છેલ્લા કેટલાક મહિનાઓથી એક નવા ‘એક્સપાયરિંગ મેસેજ’ ફીચરનું ટેસ્ટીંગ કરી રહી છે. આ નવા ફીચરથી સંબંધિત તથ્યો પહેલીવાર આ વર્ષે માર્ચમાં સામે આવ્યા હતા. આ ફીચર યુઝર્સને એવી સુવિધા આપશે કે પૂર્વનિર્ધારિત સમય પછી મેસેજ સાથે મોકલવામાં આવેલ મીડિયા જેમકે, ફોટા, વીડિયો અને જીઆઇએફ ઈમેજ વગેરે આપમેળે ડીલીટ થઇ જશે.
WABetaInfoના હાલના રીપોર્ટ મુજબ, વોટ્સએપ એ એન્ડ્રોયડ પર ફક્ત 2.20.201.1 બીટા સંસ્કરણ જારી કર્યું છે અને નવીનતમ રીલીઝમાં નવા એક્સપાયરિંગ મીડિયા ફીચરના તથ્યો શામેલ છે. ‘એક્સપાયરિંગ મેસેજ ફીચરની જેમ આ ફીચર યુઝર્સને એક્સપાયરિંગ મીડિયા મોકલવાની મંજૂરી આપશે. જે પ્રાપ્તકર્તા ચેટ છોડ્યા પછી આપમેળે અદૃશ્ય થઈ જશે.
પરંતુ ખાસ વાત એ છે કે મેસેજના આપમેળે ગાયબ થયેલા મીડિયાના ગયા બાદ સ્ક્રીન પર ‘This media is expired’ જેવો મેસેજ આવશે નહીં. ‘એક્સપાયરિંગ મીડિયા ચેટ દરમિયાન એક અલગ રીતે જ જોવા મળશે.જેને તમે સરળતાથી સમજી શકો છો કે મીડિયા ટૂંક સમયમાં સમાપ્ત થવાનું છે.
_Devanshi
