ચૂંટણી પંચે કોરોના માટેની એડવાઇઝરી રજૂ કરી – તમામ રાજકીય પક્ષોએ દિશા-નિર્દેશનું પાલન ફરજીયાત કરવું પડશે
ચૂંટણી પંચે રાજકીય પક્ષોને એક એડવાઇઝરી જારી કરી છે, જેમાં તેમણે ચૂંટણી પ્રચાર દરમિયાન કોવિડ -19 ની માર્ગદર્શિકાનું પાલન કરવાનું કહ્યું છે. તેમાં કહેવામાં આવ્યું છે કે, કમિશને ભીડમાં અંકુશ જાળવી રાખવાને લઈને પક્ષકારો અને ઉમેદવારો દ્વારા ચાલી રહેલી નરમાઇ પર ગંભીરતાથી વિચાર કરવામાં આવ્યો છે.
ઉલ્લેખનીય છે કે, બિહારમાં યોજાનારી ત્રણ તબક્કાની વિધાનસભાની ચૂંટણી આ મહિનાના અંતમાં શરૂ થવાની છે. ચૂંટણી પંચ દ્વારા માર્ગદર્શિકા જારી કરવામાં આવી હોવા છતાં, ચૂંટણી રેલીઓમાં કોવિડ -19 સંબંધિત નિયમોનું પાલન કરવામાં આવી રહ્યું નથી. આ સાથે જ સામાજિક અંતરનું પાલન પણ થતું જોવા નથી મળી રહ્યુ.
ચૂંટણી આયોગે આ સમગ્ર સ્થિતિને ધ્યાનમાં રાખતા બિહારમાં એક વિશેષ ટીમ મોકલવાનો નિર્ણય પણ લીધો છે. આ ટીમ ચૂંટણી દરમિયાન આ નિયમોના કડક પાલન કરવા બાબતે નજર રાખશે. કેન્દ્રીય આરોગ્ય મંત્રાલયે મંગળવારે કહ્યું હતું કે, વિશેષ પક્ષ ચૂંટણીમાં નોમિનેશનથી લઈને મતદાન સુધીની તમામ પરિસ્થિતિ પર નજર રાખશે.
ચૂંટણી આયોગ દ્વારા જારી કરવામાં આવેલા દિશા નિર્દેશો
- ડોર-ટુ-ડોર ઝુંબેશ પ્રતિબંધોને આધિન છે. ઉમેદવાર સહિત ફક્ત પાંચ લોકોને જ ઘરે ઘરે પ્રચાર કરવાની છૂટ આપવામાં આવી છે. જો કે, તેમાં સુરક્ષા કર્મીઓની સંખ્યાનો સમાવેશ નથી કર્યો.
- 10 વાહનોને બદલે દર પાંચ વાહનો પછી વાહનોનો કાફલો તૂટવો જોઈએ. વાહનોના બે કાફલા વચ્ચેનો તફાવત 100 મીટરના અંતરને બદલે અડધો કલાકનો હોવો જોઈએ.
- દરેક ચૂંટણી સંબંધિત પ્રવૃત્તિ દરમિયાન ચહેરા પર માસ્ક પહેરવું જરૂરી છે.
- દરેક વ્યક્તિઓની થર્મલ સ્ક્રિનીંગ કરવામાં આવશે. દરેક બૂથ પર સેનિટાઇઝર, સાબુ અને પાણીની વ્યવસ્થા આપવી પડશે.
- બૂથ અને મત ગણતરી કેન્દ્ર તરીકે પસંદ મોટા હોલને પસંદ કરવા જોઈએ જેથી સામાજિક અંતર જાળવી શકાય.
- નોમિનેશન ફોર્મ ઓનલાઇન ઉપલબ્ધ કરાવવામાં આવશે. જે ઓલાઇન ભરી શકાય છે અને સબમિટ કરવા માટે તેની પ્રિન્ટ બહારથી લા શકાય છે.
- સોગંદનામું પણ ઓનલાઇન ભરી શકાશે
- ઉમેદવારો જામીન રકમ ઓનલાઇન જમા કરાવી શકે છે જોકે કેશ જમા કરાવવાનો વિકલ્પ પણ હશે.
- ઉમેદવારી નોંધાવવા માટે બે જ વ્યક્તિ ઉમેદવારની સાથે જઈ શકશે.
- નામાંકન ભરવાની પ્રક્રિયા દરમિયાન ફક્ત બે વાહનોને જ મંજૂરી આપવામાં આવશે.
- ચૂંટણી પ્રચાર ડિજિટલ પધ્ધતિથી કરવામાં આવશે. ચૂંટણી પ્રચાર દરમિયાન સામાજિક અંતરનું પાલન કરવું ફરજિયાત રહેશે.
- કાઉન્ટિંગ હોલમાં સાતથી વધુ ગણતરીનાં ટેબલોને મંજૂરી આપવી જોઈએ નહીં. તેથી, મતદારક્ષેત્રની મત ગણતરી માટે ત્રણથી ચાર હોલની સુવિધા કરવામાં આવશે.
- બિહારના એક મતદાન મથક પર મહત્તમ મતદાતાઓની સંખ્યા 1,500 થી ઘટાડીને હવે 1000 કરવામાં આવી છે
સાહીન-
