અમૂલ ઈન્ડિયાએ વિરાટ-અનુષ્કાને અનોખી રીતે માતાપિતા બનવા બદલ અભિનંદન આપ્યા

• વિરાટ કોહલી અને અનુષ્કા શર્મા જાન્યુઆરીમાં બનશે માતા-પિતા
• અમૂલ ઇન્ડિયા કંપનીએ પોતાના ઇન્સ્ટાગ્રામ એકાઉન્ટ પર ફોટો કર્યો શેર
• અમૂલ ઈન્ડિયાએ વિરાટ અને અનુષ્કાની કાર્ટૂન સ્ટાઈલમાં ફોટો કર્યો શેર
• વિરુષ્કા જલ્દી આવે છે – અમૂલ ઇન્ડિયા

મુંબઈ: ભારતીય ક્રિકેટ ટીમના કેપ્ટન વિરાટ કોહલી અને બોલિવુડ એક્ટ્રેસ અનુષ્કા શર્મા આવતા વર્ષના પ્રારંભમાં માતા-પિતા બનશે. આ વાતની જાણકારી ખુદ બંને સેલિબ્રિટીઝે સોશિયલ મીડિયા પર આપી હતી. આ જાહેરાત બાદ સોશિયલ મીડિયા પર આ બંને સ્ટાર્સને અભિનંદન આપવાની પ્રક્રિયા ચાલુ છે. દરેક જણ તે પછી સામાન્ય હોય કે વિશેષ આ દંપતીને પોતાનો અભિનંદન સંદેશ મોકલી રહ્યાં છે. આ કડીમાં મશહૂર કંપની અમૂલ પણ પાછળ રહી નથી. અમૂલ ઈન્ડિયાએ વિરાટ અને અનુષ્કાની કાર્ટૂન સ્ટાઈલમાં ફોટો શેર કર્યો છે અને તે બંનેને તેમના જીવનના આ નવા અધ્યાયની શુભેચ્છા પાઠવી છે.

અમૂલ ઇન્ડિયા કંપનીએ પોતાના ઇન્સ્ટાગ્રામ એકાઉન્ટ પર એક ફોટો શેર કર્યો છે. આ ફોટો તેના જેવો જ છે જે વિરાટ અને અનુષ્કાએ પોતાના સોશિયલ મીડિયા એકાઉન્ટ પર શેર કર્યો હતો.. આ ફોટામાં વિરાટ અને અનુષ્કા ખૂબ ખુશ નજરે પડે છે. તો અનુષ્કાની બેબી બમ્પ પણ સ્પષ્ટ દેખાઈ રહી છે.

આ ફોટો શેર કરતા અમૂલ ઈન્ડિયાએ લખ્યું છે કે, વિરાટ અને અનુષ્કા ટૂંક સમયમાં માતા-પિતા બનવા જઈ રહ્યા છે. આ સાથે ફોટા ઉપર કેપ્શન લખ્યું છે કે, વિરુષ્કા જલ્દી આવે છે.. અમૂલ ઇન્ડિયા દ્વારા વિરાટ અને અનુષ્કાની કાર્ટૂન સ્ટાઈલમાં જે ફોટો પોસ્ટ કર્યો છે તેના યુઝર્સ ખૂબ જ પસંદ કરી રહ્યા છે. સોશિયલ મીડિયા પર આ બંનેના ફોટા ખુબ જ વાયરલ થઈ રહ્યા છે. આ પહેલા પણ અનેક પ્રસંગો પર અમૂલ ઈન્ડિયા સેલિબ્રિટીને લગતી આવી પોસ્ટ કરી ચૂકી છે.

_Devanshi