- ઉબેરે ભારતમાં 24×7 ઓટો ભાડા સેવા શરુ કરી
- સર્વિસના દર કલાક / દસ કિ.મી.ના રૂ. 169 થી શરૂ
- આ સેવા વધુમાં વધુ આઠ કલાક બુક કરાવી શકાશે
Mumbai: ટેક્સી સર્વિસ પ્રદાન કરનારી કંપની ઉબેરે બુધવારે ભારતમાં 24×7 ઓટો ભાડા સેવા શરુ કરી હતી. આ સેવા હેઠળ તમે ઓટો અને ડ્રાયવરને ઘણા કલાકો સુધી બુક કરી શકો છો. આ સુવિધા એવા ગ્રાહકો માટે છે કે જેને કેટલાક સ્થાનોની મુલાકાત માટે કેટલાક કલાકો સુધી સેવાની જરૂર હોય છે.
કંપનીએ એક નિવેદનમાં જણાવ્યું છે કે, આ સેવા હાલમાં બેંગલુરુમાં આપવામાં આવી રહી છે. તો, હવે તે દિલ્હી એનસીઆર, મુંબઇ, હૈદરાબાદ, ચેન્નઇ અને પુણેમાં પણ ઉપલબ્ધ થશે. કંપનીના જણાવ્યા મુજબ, આ સર્વિસના દર કલાક / દસ કિ.મી.ના રૂ. 169 થી શરૂ થાય છે. ઉપરાંત ગ્રાહકો કેટલાક કલાકો સુધી સેવા બુક પણ કરી શકે છે. આ સેવા અંતર્ગત વધુમાં વધુ આઠ કલાક બુક કરાવી શકાય છે.
નવી સેવા અંગે ટિપ્પણી કરતા ઉબર ઇન્ડિયા અને દક્ષિણ એશિયાના માર્કેટપ્લેસ અને કેટેગરીના વડા નીતીશ ભૂષણએ જણાવ્યું હતું કે, આ ભારતનું પહેલું ઇનોવેટીવ પ્રોડક્ટ છે, ગ્રાહક અને ડ્રાઇવરો બંનેને કેવી રીતે લાભ થાય છે તેનું આ એક ઉદાહરણ છે. તમે કેવી રીતે ટેક્નોલોજીનો ઉપયોગ કરી રહ્યા છો.
