- ફિલ્મનું મોશન પોસ્ટર થયું રીલીઝ
- પોસ્ટરમાં ટાઇગર આગની વચ્ચે ઉભો નજરે પડે છે
- ફિલ્મ 2022 માં રિલીઝ થવાની સંભાવના
મુંબઈ: બોલિવૂડ એક્ટર ટાઇગર શ્રોફના નવા પ્રોજેક્ટની જાહેરાત કરવામાં આવી છે. ટાઇગરની આ નવી ફિલ્મનું નામ ‘ગનપથ’ છે, જેનું મોશન પોસ્ટર રિલીઝ થયું છે. આ ફિલ્મ એક એક્શન થ્રિલર છે,જેની જાણકારી ખુદ અભિનેતાએ પોતાની પોસ્ટ પરથી આપી છે..
આ ફિલ્મના મોશન પોસ્ટને ટાઇગર શ્રોફે ઇન્સ્ટાગ્રામ પર કેપ્શન સાથે શેર કર્યું છે. એક્ટરે લખ્યું કે, ‘આ મારા માટે ખૂબ જ ખાસ છે,અને તમારા માટે પણ. ગનપથ – અને એક્શન માટે એકદમ તૈયાર થઇ જાવ, થ્રિલર અને એન્ટરટેનમેંટ.
ટાઇગર આ નવા પ્રોજેક્ટનું શૂટિંગ આવતા વર્ષે 2021 ની મીડથી શરૂ કરશે અને આ ફિલ્મ 2022 માં રિલીઝ થવાની શક્યતા છે. આ ફિલ્મનું દિગ્દર્શન વિકાસ બહલ કરી રહ્યા છે, જ્યારે વાશુ ભગનાની,વિકાસ બહલ,દીપશિખા દેશમુખ અને જેકી ભગનાની મળીને તેને પ્રોડ્યુસ કરી રહ્યા છે. આ ફિલ્મના મોશન પોસ્ટરમાં ટાઇગર શ્રોફ આગની વચ્ચે ઉભા જોવા મળે છે.
ગનપથ સિવાય ટાઇગર શ્રોફની વધુ બે ફિલ્મો છે,જેની જાણકારી ખુદ એક્ટરએ થોડા દિવસો પહેલા જ સોશિયલ મીડિયા પર ટ્વિટ કરીને આપી હતી. આ બંને ફિલ્મો ‘બાગી 4’ અને ‘હીરોપંતી 2’ છે. ટાઇગર કુલ 25 દેશોમાં આ બંને ફિલ્મોનું શૂટિંગ કરશે. ફિલ્મ ‘હીરોપંતી 2’નું શૂટિંગ ડિસેમ્બરમાં શરૂ થવાની સંભાવના છે.
