- RRR થી જુનિયર એનટીઆરનો દમદાર લૂક રીલીઝ
- જુનિયર એનટીઆર ભીમના પાત્રમાં જોવા મળશે
- રામચરણે જુનિયર એનટીઆરનો લૂક સોશિયલ મીડિયામાં કર્યો શેર
બેંગ્લોર: એસ.એસ.રાજામૌલીની મોસ્ટ અવેટેડ ફિલ્મ RRR થી જુનિયર એનટીઆરનો લૂક રિલીઝ થઈ ગયો છે. જુનિયર એનટીઆર ભીમની ભૂમિકામાં જોવા મળશે. તેના લૂકની ફેંસ આતુરતાથી રાહ જોતા હતા. સવારથી જ ટ્વિટર #BheemManiaBegins, #KomaramBheemNTR, ROAR OF RAMARAJU અને #SeethaRAMaRajuCHARAN ટ્રેન્ડ કરી રહ્યા છે. દર્શકોના ઉત્સાહ વચ્ચે નિર્માતાઓએ જુનિયર એનટીઆરનો લૂક રીવીલ કરી દીધો છે. જો કે, લૂક 11 વાગ્યે રિલીઝ થવાનો હતો,પરંતુ અડધો કલાક વિલંબ સાથે દર્શકો સામે લાવવામાં આવ્યો.
એક્ટર રામ ચરણે જુનિયર એનટીઆરનો લૂક સોશિયલ મીડિયા પર શેર કર્યો છે.
આ ફિલ્મમાં એનટીઆર,રામ ચરણ,અજય દેવગણ,આલિયા ભટ્ટ, ઓલિવિયા મોરિસ અને અન્ય ઘણા કલાકારો છે. એસ.એસ.રાજામૌલી દ્વારા દિગ્દર્શિત આ ફિલ્મ એક પીરીયડ ડ્રામા છે, જેમાં પ્રખ્યાત સ્વાતંત્ર્ય સેનાની કોમારામ ભીમ અને અલ્લુરી સીતારામારાજુના યુવા દિવસોનું એક કાલ્પનિક વર્ણન કરવામાં આવ્યું છે.
આ ફિલ્મ તેલુગુ, હિન્દી, તમિલ, મલયાલમ અને કન્નડની સાથે અન્ય અનેક ભારતીય ભાષાઓમાં રિલીઝ થવાની છે.
_Devanshi
