– ગોવાના રાજ્યપાલ સત્યપાલ મલિકની હવે મેઘાલયના રાજ્યપાલ તરીકે નિયુક્તિ
– મહારાષ્ટ્રના રાજ્યપાલ ભગત સિંહ કોશિયારીને ગોવાની વધારાની જવાબદારી સોંપાઇ
– મોદી કેબિનેટના આ નિર્ણયને રાષ્ટ્રપતિ રામનાથ કોવિંદે આપી મંજૂરી
ગોવાના રાજ્યપાલ સત્યપાલ મલિકની નિમણૂંક હવે મેઘાલયના રાજ્યપાલ તરીકે કરવામાં આવી છે. કેન્દ્ર સરકારે ગોવાના રાજ્યપાલ સત્યપાલ મલિકની ટ્રાન્સફર કરી દીધી છે. એક તરફ ગોવાના રાજ્યપાલ સત્યપાલ મલિકની નિમણૂંક મેઘાલયના રાજ્યપાલ તરીકે કરવામાં આવી છે ત્યારે બીજી તરફ મહારાષ્ટ્રના રાજ્યપાલ ભગત સિંહ કોશિયારીને ગોવાની વધારાની જવાબદારી સોંપવામાં આવી છે. મોદી કેબિનેટના આ નિર્ણયને રાષ્ટ્રપતિ રામનાથ કોવિંદે મંજૂરી આપી દીધી છે.
Satya Pal Malik, Governor of Goa transferred & appointed as Governor of Meghalaya, and Bhagat Singh Koshyari, Governor of Maharashtra to discharge the functions of the Governor of Goa in addition to his own duties. pic.twitter.com/bsfaeQYgTe
— ANI (@ANI) August 18, 2020
આપને જણાવી દઇએ કે 25 ઑક્ટોબર, 2019ના રોજ રાજ્યપાલ સત્યપાલ મલિકની જમ્મૂ કાશ્મીરમાંથી ગોવા ટ્રાન્સફર કરવામાં આવી હતી અને તેમની જગ્યાએ ભૂતપૂર્વ આઇએએસ અધિકારી ગિરીશ મુર્મૂને જમ્મૂ કાશ્મીરના ઉપરાજ્યપાલ તરીકે નિયુક્ત કરવામાં આવ્યા હતા.
મહત્વનું છે કે, સત્યપાલ મલિક બિહારના રાજ્યપાલ તરીકે પણ ફરજ બજાવી ચૂક્યા છે. સત્યપાલ મલિકને વર્ષ 2018માં કેટલાક મહિના માટે ઓડિશાની વધારાની જવાબદારી પણ સોંપવામાં આવી હતી.
(સંકેત)
