PM મોદીનો ‘આત્મનિર્ભર ભારત’નો સંકલ્પ થયો ચરિતાર્થ, તહેવારોમાં ખાદીનું રેકોર્ડ બ્રેક વેચાણ
- પીએમ મોદીનો આત્મનિર્ભર ભારત-લોકલ ફોર વોકલનો સંકલ્પ હવે થઇ રહ્યો છે ચરિતાર્થ
- દિવાળીના તહેવારો દરમિયાન સૌથી વધુ ખાદીનું વેચાણ થયું છે
- માત્ર 40 દિવસમાં 4 વખત 1 કરોડથી વધુનું વેચાણ નોંધાયું
નવી દિલ્હી: પીએમ મોદીના આત્મનિર્ભર ભારત અને લોકલ ફોર વોકલના સંકલ્પ હેઠળ દેશવાસીઓ પણ હવે આ દિશા તરફ વળ્યા છે અને ધીરે ધીરે દેશમાં હવે આ સંકલ્પ ચરિતાર્થ થઇ રહ્યો હોય એવું જોઇ શકાય છે. દિવાળીના તહેવારોમાં સૌથી વધુ ખાદીનું વેચાણ થયું છે. લોકડાઉનમાં ખાદીના કારીગરોની રોજીરોટી પર ખૂબ અસર વર્તાઇ હતી. પરંતુ પીએમ મોદીએ આત્મનિર્ભર ભારત અને લોકલ ફોર વોકલની અપીલ કરી ખાદી અને ગ્રામઉદ્યોગને જીવનદાન આપ્યું છે. હાલમાં દેશભરમાં ખાદીનું કાપડ, માસ્ક સહિતની અન્ય વસ્તુઓ ધૂમ મચાવી રહી છે.
ખાદીના વેચાણના આંકડા પર નજર કરીએ તો આ વર્ષે 2 ઑક્ટોબર બાદ માત્ર 40 દિવસમાં 4 વખત દિલ્હીના કનોટ પ્લેસના ખાદીના મુખ્ય આઉટલેટ પર 1 દિવસમાં 1 કરોડથી વધુનું વેચાણ થયું છે. 13 નવેમ્બરે આ આઉટલેટ પર કુલ 1.11 કરોડ રૂપિયાનું વેચાણ થયું છે. આ વર્ષમાં 2 ઑક્ટોબર એટલે કે ગાંધી જયંતિના દિવસે 1.02 કરોડ રૂપિયાનું ખાદીનું વેચાણ થયું છે. જ્યારે 24 ઑક્ટોબરે 1.05 કરોડ રૂપિયા અને 7 નવેમ્બરે 1.06 કરોડ રૂપિયાનું ખાદીનું વેચાણ થયું હતું.
In a span of just 40 days,
4 times the daily sales at CP outlet crossed Rs 1 crore.Thanks to Khadi lovers of Delhi for supporting Swadeshi. People heed to Hon'ble Prime Minister's eminent counseling.Khadi turns into a national obsession@PMOIndia @nitin_gadkari @BJP4India pic.twitter.com/LeQzNXLY86— Chairman KVIC (@ChairmanKvic) November 14, 2020
આપને જણાવી દઇએ કે વર્ષ 2018માં 4 વખત 1 દિવસમાં 1 કરોડ રૂપિયાથી વધુનું ખાદીનું વેચાણ થયું હતું. જેમાં સૌથી વધુ 2 ઑક્ટોબર 2019ના દિવસે 1.27 કરોડ રૂપિયાની ખાદીનું વેચાણ થયું છે. ખાદીના વેચાણમાં પ્રથમ વખત 22 ઓક્ટોબર 2016માં એક દિવસમાં 1 કરોડની પાર આકંડો પહોંચ્યો હતો.
આ અંગે વાત કરતા ખાદી અને ગ્રામ ઉદ્યોગ આયોગના અધ્યક્ષ વિનય કુમાર સક્સેનાએ કહ્યું હતું કે, કોરોના મહામારીમાં ખાદીના કારીગરોએ સતત ઉત્પાદન ચાલુ રાખ્યું અને દેશવાસીઓ પણ ખાદીની ખરીદી કરી કારીગરોનો ઉત્સાહ વધાર્યો છે. જેથી આર્થિક મંદીમાં ખાદીના વિકાસની ગતિ જળવાઇ રહી.
(સંકેત)
