ઉત્તરપ્રદેશના લખનઉ-આગ્રા એક્સપ્રેસ-વે પર એકવાર ફરીથી સ્પીડના કારણે અકસ્માત સર્જાયો. ટ્રેક્ટર ટ્રોલી સાથે અથડાવાને કારણે અતિશય સ્પીડમાં આવી રહેલી વોલ્વો બસના પલટવાથી પાંચ લોકોનું સ્થળ પર જ મોત થઈ ગયું, જ્યારે ત્રણ ડઝન કરતા વધુ લોકો ઘાયલ છે. ગંભીર રીતે ઘાયલ યાત્રીઓને ઇલાજ માટે લખનઉ મોકલવામાં આવ્યા છે.
ઘાયલોમાં ચારની હાલત ગંભીર જણાવવામાં આવી રહી છે. ઘટના બાંગરમઉ પોલીસ સ્ટેશન વિસ્તારના દેવખરી ગામની પાસે ઘટી છે. મળતી માહિતી પ્રમાણે, બસ દિલ્હીથી બિહાર જઈ રહી હતી. સ્થળ પર પહોંચેલી પોલીસે શબોને પોસ્ટમોર્ટમ માટે મોકલ્યા છે. ઘાયલોને ઇલાજ માટે ટ્રોમા સેન્ટર રિફર કરવામાં આવ્યા છે. હાલ પોલીસ મૃતકોની ઓળખ કરીને તેમના પરિવારજનોનો સંપર્ક કરવાનો પ્રયત્ન કરી રહી છે.
આ અકસ્માત પછી લખનઉ-આગ્રા એક્સપ્રેસ પર જામ લાગી ગયો અને સ્થળ પર ચીસાચીસ મચી ગઈ. સ્થળ પર પહોંચેલી પોલીસે લોકોની મદદથી ઘાયલોને હોસ્પિટલ મોકલ્યા અને ક્રેનની મદદથી બસને હટાવીને વાહનવ્યવહાર શરૂ કરાવ્યો.
