- બીસીસીઆઈના અધ્યક્ષ સૌરવ ગાંગુલી પર હિતોના તકરારમાં લાગ્યા ગંભીર આરોપ
- મને 500 આંતરરાષ્ટ્રીય મેચ રમવાનો અનુભવ છે – સૌરવ ગાંગુલી
- હું રિકી અને દાદાનો આભારી છું – શ્રેયસ અય્યર
મુંબઈ: ભારતીય ક્રિકેટ ટીમના પૂર્વ કેપ્ટન અને બીસીસીઆઇના વર્તમાન અધ્યક્ષ સૌરવ ગાંગુલી હાલમાં ઈન્ડિયન પ્રીમિયર લીગ માટે યુએઈમાં છે. આ દરમિયાન ગાંગુલી પર બીસીસીઆઈ અધ્યક્ષ તરીકે આઈપીએલ ફ્રેન્ચાઇઝના ખેલાડીઓની મદદ કરવા માટે સંબધી હિતોના તકરાર સાથે ગંભીર આરોપ લગાવવામાં આવ્યા છે. ગાંગુલીએ પણ આ આરોપોનો યોગ્ય જવાબ આપ્યો છે. તેણે કહ્યું કે મને 500 આંતરરાષ્ટ્રીય મેચ રમવાનો અનુભવ છે. યુવા ખેલાડીઓને સલાહ આપવાનો મને સંપૂર્ણ અધિકાર છે.
ખરેખર, ક્રિકેટને ક્સ્ટના સમાચારો મુજબ, દિલ્હી કેપિટલ્સની આ સીઝનની પહેલી મેચમાં પૂર્વ ટીમના કેપ્ટન શ્રેયસ અય્યરે એક ઇન્ટરવ્યુમાં કહ્યું હતું કે, તેને વધુ સારા ખેલાડી અને કેપ્ટન બનાવવામાં ટીમના મુખ્ય કોચ, રિકી પોન્ટિંગ અને સૌરવ ગાંગુલીનો મહત્વનો ફાળો છે. વર્ષ 2019માં સૌરવ ગાંગુલી દિલ્હી ટીમના માર્ગદર્શકની જવાબદારી સંભાળી રહ્યા હતા. જોકે ટીકાકારોને શ્રેયસની આ વાત પસંદ ન હતી આવી અને તેમણે બીસીસીઆઈના અધ્યક્ષ સૌરવ ગાંગુલી પર હિતોના તકરારમાં ગંભીર આરોપ લગાવ્યો હતો.
જો તેમને મદદની જરૂર હોય તો હું મદદ કરીશ
સૌરવ ગાંગુલીએ પણ આ કેસમાં પ્રમોશનલ ઇવેન્ટ દરમિયાન ટીકાકારોને યોગ્ય જવાબ આપ્યો હતો. તેણે કહ્યું, મેં ગયા વર્ષે શ્રેયસ અય્યરની મદદ કરી હતી. હું ભલે બીસીસીઆઈ અધ્યક્ષ છું,પરંતુ એ ના ભૂલશો કે મેં ભારત માટે લગભગ 500 મેચ રમી છે. એટલા માટે હું યુવા ખેલાડીઓ સાથે વાત કરી તેની મદદ કરી શકું છું. પછી ભલે એ શ્રેયસ અય્યર હોય અથવા વિરાટ કોહલી. જો તેમને મદદની જરૂર હોય, તો હું મદદ કરીશ.
શ્રેયસ અય્યરે કરી સ્પષ્ટતા
દિલ્હી કેપિટલ્સના કેપ્ટન શ્રેયસ અય્યરે આ મામલે પોતાનો ખુલાસો આપતાં કહ્યું હતું કે તેઓ આઈપીએલ 2019ની છેલ્લી સીઝન વિશે વાત કરી રહ્યા છે. એવામાં જ્યારે દિલ્હી કેપિટલ્સના મેંટર રહેવા દરમિયાન સૌરવ ગાંગુલીની ટીમના ખેલાડીઓની મદદ કરવી એ કોઈ પણ રીતે હિતોના તકરારનો મામલો નથી. અય્યરે ટવિટ કર્યું, એક યુવાન કેપ્ટન તરીકે, હું રિકી અને દાદાનો આભારી છું, જેમણે ક્રિકેટર તરીકે અને કેપ્ટન તરીકે ગયા વર્ષે મારી કારકીર્દિમાં નોંધપાત્ર યોગદાન આપ્યું હતું.
