- પબજી પ્લેયર્સ માટે આવી ખુશખબર
- ઇરેંગલ મેપની થઇ શકે છે ઘોષણા
- યુટ્યુબ અને ફેસબુક પર કરશે જાહેરાત
- ગેમ્સમાં જોવા મળી રહ્યાં છે ભારતીય બ્રાન્ડ્સ
મુંબઈ: પબજી પ્લેયર્સ માટે એક મોટી ખુશખબરી આવી રહી છે. પબજી મોબાઈલમાં મોટો બદલાવ થવા જઇ રહ્યો છે. ગેમના ઑફિશિયલ ટ્વીટર હેન્ડલ દ્વારા પબજી મોબાઇલ માટે એક નવા યુગને ટીઝ કર્યુ છે જેની જાહેરાત 24 ઓગસ્ટ એટલે કે આજે કરવામાં આવશે. પબજી મોબાઇલના ઑફિશિયલ ટ્વીટર હેન્ડલ પરથી ટ્વીટરમાં ન્યુ એરા ફોર પબજી મોબાઈલની જાહેરાત કરી છે.
ડેવલપર્સ એક લાઇવસ્ટ્રીમ દ્વારા યુટ્યુબ અને ફેસબુક પર તેની જાહેરાત કરશે. આ ઇવેન્ટ સાંજે 7 વાગ્યે શરૂ થશે. આ બાબતે કંપનીએ ટ્વીટ પણ શેર કર્યુ છે. ગેમમાં એક અપડેટ આવી શકે છે. સંભાવના વ્યક્ત કરવામાં આવી રહી છે કે ડેવલપર્સ નવો બદલેલો એરેંગલ મેપની જાહેરાત કરી શકે છે.
મોબાઇલ ગેમ એક્સપર્ટ્સનું કહેવું છે કે પબજી મોબાઇલ એરેંગલ મેપ લૉન્ચ કરી શકે છે. પબજી મોબાઇલે 1.0 અપડેટ સાથે આ મહિનાની શરૂઆતમાં બીટા વર્ઝનમાં એરેંગલ 2.0 મેપ જોડ્યો હતો અને આ ગેમના સ્ટેબલ વર્ઝન પર પોતાનો રસ્તો બનાવવા માટે તૈયાર થઇ રહ્યો છે. એવામાં શક્યતા છે કે ડેવલપર્સ આ ઇવેન્ટમાં જાહેરાત કરી શકે છે….
ભારતીય ગેમ પ્રેમિયો વચ્ચે લોકપ્રિય બની રહેવા માટે પબજીએ સ્માર્ટ કામ કર્યુ છે. દુનિયાની સૌથી લોકપ્રિય ગેમમાં ભારતીય બ્રાન્ડ દેખાડવામાં આવી છે. ગેમમાં મહિન્દ્રાના ટ્રેક્ટરને સામેલ કરવુ પબજી ગેમ નિર્માતાઓ માટે યોગ્ય નિર્ણય રહ્યો છે, જેથી ભારતમાં ગેમને ઘણો ફાયદો મળ્યો છે.
_Devanshi
