- વાઇલ્ડ ઇન્ડિયાના ટ્વીટર હેન્ડલથી આ વીડિયો કરવામાં આવ્યો શેર
- જીવસૃષ્ટિ પ્રેમી કિર્તી રંજન નાયકે શૂટ કર્યો છે આ વીડિયો
- તડોબા-અંદારી અભ્યારણનો છે આ વીડિયો
એક સાથે વાઘના સંપૂર્ણ પરિવારને કોઇ તળાવ કે નદીના કાંઠે પાણી પીતો જોવો એ દુર્લભ નજારો જ કહેવાય. જો કે ક્યારેય સદનસીબે આ પ્રકારના દ્રશ્યો કેમેરામાં કેદ થઇને યાદગાર બની જતા હોય છે. આવો જ એક વાઘના સંપૂર્ણ પરિવારનો અદ્દભુત વીડિયો સામે આવ્યો છે જે આપને પણ જોવો ચોક્કસ ગમશે.
Just like a big fat Indian family. Those tiger cubs are extra cute. Vc @kirtikjr pic.twitter.com/fx9Ae9PEML
— The Wild India (@the_wildindia) August 25, 2020
હાલમાં જ વાઇલ્ડ ઇન્ડિયા નામના એક ટ્વીટર હેન્ડલથી વાઘણ અને તેના ચાર બચ્ચાઓના પરિવારનો એક વીડિયો શેર કરવામાં આવ્યો છે. જીવસૃષ્ટિના ચાહક કિર્તી રંજન નાયક દ્વારા તડોબા-અંધારી અભ્યારણમાં આ વીડિયો શૂટ કરવામાં આવ્યો છે.
આ વીડિયોમાં વાઘણ અને તેના સંતાનોને એકબીજા સાથે રમતા જોઇ શકાય છે. તેમની માતા પાણી પીતા પીતા તેમના સંતાનોનું રક્ષણ કરવા માટે ચારેય તરફ નજર રાખી રહી છે. આ સંપૂર્ણ પરિવારનો આ નજારો ખૂબ જ મોહક છે.
(સંકેત)