- ચ્યવનપ્રાશ એ આયુર્વેદિક દવાઓનું સંપૂર્ણ મિશ્રણ
- ચ્યવનપ્રાશના સેવનથી શરીરમાં મળશે શક્તિ
- કોરોનાથી બચવા માટે મદદગાર છે ચ્યવનપ્રાશ
દેશમાં કોરોનાવાયરસનો કહેર દિવસેને દિવસે વધી રહ્યો છે. એવામાં દરેક વ્યક્તિએ તેમના ખાણીપીણી અને આરોગ્યની ખૂબ કાળજી લેવાની જરૂર છે. ડોકટરો પણ તેની પુષ્ટિ કરે છે. દરેક વ્યક્તિ આનાથી વાકેફ છે કે કોરોના કાળમાં ખુદને સ્વસ્થ રાખવા માટે રોગપ્રતિકારક શક્તિ મજબુત રાખવી ખૂબ જ મહત્વપૂર્ણ છે.
સારી ઈમ્યુનિટી માટે દરેક તેમના આરોગ્ય, આહાર, રુચિ અને તબીબી સલાહ અનુસાર પદ્ધતિઓ અપનાવે છે. જો તમે તેમાં દરરોજ ચ્યવનપ્રાશનું સેવન કરો છો તો તે ખૂબ ફાયદાકારક છે. ચ્યવનપ્રાશ એ ઘણી દવાઓનું મિશ્રણ છે. તેમાંની દવાઓ તમને ઘણા પ્રકારના સંક્રમણ અને બીમારીઓથી સુરક્ષિત રાખે છે. તો ચાલો જાણીએ કોરોનાનાથી બચાવ માટે ચ્યવનપ્રાશ કેવી રીતે ફાયદાકારક હોઈ શકે છે.
રોગપ્રતિકારક શક્તિમાં વધારો
ચ્યવનપ્રાશ એ આયુર્વેદિક દવાઓનું સંપૂર્ણ મિશ્રણ છે. તેમાં મળેલી આયુર્વેદિક દવાઓમાં એન્ટીઓકિસડન્ટો મળી આવે છે, જે સ્વાસ્થ્ય માટે ખૂબ જ સારી છે. તેના વિશેની શ્રેષ્ઠ બાબત એ છે કે તેના સેવનથી શરીરની રોગપ્રતિકારક શક્તિ મજબૂત થાય છે, જે તમને કોઈપણ વાયરસ સામે લડવામાં મદદ કરે છે. તેથી, કોરોના કાળમાં ચ્યવનપ્રાશનું સેવન તમને તમારી રોગપ્રતિકારક શક્તિ વધારીને કોરોનાથી બચવા માટે મદદ કરશે.
શ્વાસની સમસ્યાઓને રાખે છે દૂર
ચ્યવનપ્રાશમાં ઓછામાં ઓછી 36 ઓષધિઓનો ઉપયોગ થાય છે. તેમાં મળેલી આયુર્વેદિક દવાઓ જેવી કે આમલા, બ્રાહ્મી વગેરે આપણી રોગપ્રતિકારક શક્તિ વધારે છે. આમળામાં વિટામિન સી હોય છે, જે આપણી રોગપ્રતિકારક શક્તિમાં વધારો કરે છે, જે આપણા શરીરને બીમારીઓ અને વાયરસ સામે રક્ષણ આપવામાં મદદ કરે છે. ચ્યવનપ્રાશ શ્વસન સંબધિત સંક્રમણને અટકાવે છે, ફેફસાના કાર્યમાં સુધારો કરે છે.
શરદી-ખાંસીને કરે છે દુર
કોરોનાનાં સામાન્ય લક્ષણો શરદી, ઉધરસ અને શ્વાસની તકલીફથી શરૂ થાય છે. ત્યારબાદ આ વાયરસ સીધા આપણા ફેફસાંને અસર કરે છે. શરદી અને ખાંસીથી પરેશાન લોકો પર કરવામાં આવેલ એક અભ્યાસ મુજબ ચ્યવનપ્રાશનું સેવન કરવાથી શરીર કોઈપણ પ્રકારના સંક્રમણનો સામનો કરી શકે છે. તેમાં હાજર રહેલ પોષક તત્વો શરીરને અંદરથી મજબૂત બનાવે છે.
_Devanshi