અરૂણાચલ પ્રદેશની ખોંસા પશ્ચિમ વિધાનસભા સીટ પરથી નેશનલ્સ પીપલ્સ પાર્ટી (NPP)ના ધારાસભ્ય તિરોંગ અબોહ સહિત 7 લોકોની હત્યા કરી દેવામાં આવી. નેશનલ સોશિયાલિસ્ટ કાઉન્સિલ ઑફ નાગાલેન્ડ (એનએસસીએન)ના ઉગ્રવાદીઓ પર હુમલાનો આરોપ છે.
તિરપ જિલ્લાના ડેપ્યુટી કમિશ્નર પીએન થુંગોને કહ્યું- તિરોંગ પોતાની વિધાનસભા ક્ષેત્રમાંથી પસાર થઈ રહ્યા હતા. તેમની સાથે 4 અન્ય લોકો, બે પોલીસ જવાન પણ હાજર હતા. બોગાપાની ગામ પાસે સવારે લગભગ 11.30 વાગે તેમના વાહન પર શંકાસ્પદોએ ફાયરિંગ શરૂ કરી દીધું. તમામ 7 લોકોનું સ્થળ પર જ મોત થઈ ગયું.
મેઘાલયના મુખ્યમંત્રી અને એનપીપી અધ્યક્ષ કોનરાડના સંગમાએ આ હુમલાની નિંદા કરી છે. તેમણે વડાપ્રધાન ઓફિસ અને ગૃહમંત્રી રાજનાથ સિંહને આ મામલે હસ્તક્ષેપની અપીલ કરી છે. સંગમાએ કહ્યું- અમે તિરોંગ અને તેમના પરિવારની હત્યાથી આશ્ચર્યમાં છીએ. અમે આ મામલાની નિંદા કરીએ છીએ. મોદીજી અને રાજનાથજી આ મામલે કાર્યવાહી કરે.