જમ્મુ-કાશ્મીરના શોપિયાં જિલ્લામાં એક મોટી સડક દુર્ઘટના થઈ છે. ગુરુવારે થયેલા અકસ્માતમાં 11 લોકોના મોત નીપજ્યા છે. મૃતકો સ્ટૂડન્ટ્સ છે અને તેમાં નવ વિદ્યાર્થિનીઓનો સમાવેશ થાય છે.
આ અકસ્માત શોપિયાં જિલ્લાના ઐતાસિક મુઘલ રોડની પીર ગલી વિસ્તારમાં થયો છે. હાલ દુર્ઘટનાનું કારણ સ્પષ્ટ થયું નથી. તેના સિવાય અકસ્માતમાં ઘાયલ લોકોને હોસ્પિટલમાં પહોંચાડવામાં આવ્યા છે.
આ પહેલા તેલંગાણાના કામારેડ્ડી પાસે ગુરુવારે સવારે થયેલા કાર અને ટ્રક વચ્ચેના અકસ્માતમાં ત્રણ લોકોના મોત નીપજ્યા હતા. નાગપુર-હૈદરાબાદ હાઈવે પર અકસ્માત બાદ ટક્કર વાગ્યા બાદ ટ્રકમાં આગ લાગી હતી. જેમા કારમાં સવાર ત્રણ લોકોના ઘટનાસ્થળે મોત નીપજ્યા હતા. આ દુર્ઘટનામાં બે લોકો ઈજાગ્રસ્ત થયા હતા. તેમને નજીકના હોસ્પિટલમાં સારવાર માટે ભરતી કરાવવામાં આવ્યા હતા.