- ભારત-ચીન વચ્ચેના સંબંધોમાં સતત વધતી કડવાશ
- યુપી STF એ તમામ કર્મચારીઓને ચાઇનીઝ એપ્લિકેશન્સ દૂર કરવા કર્યા નિર્દેશ
- આ એપ્લિકેશન્સથી યૂઝર્સના ડેટા ચોરી થતા હોવાનો દાવો
ભારત-ચીન વચ્ચેના સંબંધો દિન પ્રતિદિન વધુ તણાવપૂર્ણ બની રહ્યા છે ત્યારે ભારતમાં ચીનની વસ્તુઓ સહિત ચીનની એપ્લિકેશનો પણ ફોનમાંથી દૂર કરવાની ઝુંબેશ હવે વેગ પકડી રહી છે. હવે ઉત્તર પ્રદેશની સ્પેશિયલ ટાસ્ક ફોર્સે એક ગોપનીય પત્ર જાહેર કરીને પોતાના તમામ કર્મચારીઓને તેમના ફોનમાંથી ચાઇનીઝ એપ્લિકેશન્સ દૂર કરવા નિર્દેશ આપ્યો છે. આ ચાઇનીઝ એપ્લિકેશનથી ડેટા ચોરી થતા હોવાની શક્યતાને ધ્યાનમાં રાખતા STF એ તેમના કર્મચારીઓ માટે આ નિર્દેશ જાહેર કર્યો હતો.
કેન્દ્રીય ગૃહ મંત્રાલયની માર્ગદર્શિકા બાદ STFના IG અમિતાભ યશે મોબાઇલમાંથી 52 ચાઇનીઝ એપ દૂર કરવા આદેશ આપ્યો છે. એસટીએફના કર્મચારીઓ ઉપરાંત તેમના પરિવારજનોને પણ ફોનમાં આ એપ્લિકેશન દૂર કરવાનું કહેવામાં આવ્યું છે.
આપને જણાવી દઇએ ભારતીય ગુપ્તચર એજન્સીઓએ સરકારને 52 ચાઇનીઝ એપ્લિકેશન્સનું લિસ્ટ આપ્યું છે. આ લિસ્ટમાં ભારતમાં લોકપ્રિય થયેલી ટિકટોક, ઝૂમ, યુસી બ્રાઉઝર, વીચેટ જેવી એપ્લિકેશન્સ પણ સામેલ છે.
એજન્સીઓની રડારમાં રહેલી ચાઈનીઝ એપ્સ
- TikTok, Vault-Hide, Vigo Video, Bigo Live, Weibo
- WeChat, SHAREit, UC News, UC Browser
- BeautyPlus, Xender, ClubFactory, Helo, LIKE
- Kwai, ROMWE, SHEIN, NewsDog, Photo Wonder
- APUS Browser, VivaVideo- QU Video Inc
- Perfect Corp, CM Browser, Virus Cleaner (Hi Security Lab)
- Mi Community, DU recorder, YouCam Makeup
- Mi Store, 360 Security, DU Battery Saver, DU Browser
- DU Cleaner, DU Privacy, Clean Master – Cheetah
- CacheClear DU apps studio, Baidu Translate, Baidu Map
- Wonder Camera, ES File Explorer, QQ International
- QQ Launcher, QQ Security Centre, QQ Player, QQ Music
- QQ Mail, QQ NewsFeed, WeSync, SelfieCity, Clash of Kings
- Mail Master, Mi Video call-Xiaomi, Parallel Space
ગુપ્તચર એજન્સીઓએ સરકારને લિસ્ટ સોંપ્યું છે પરંતુ સરકાર તરફથી આ એપ્સને બ્લોક કરવા કે તેનો ઉપયોગ ના કરવા અંગે કોઇ સત્તાવાર નિવેદન જાહેર કરવામાં આવ્યું નથી. વારંવાર ચીને એપ્સ પર ભારતીય યૂઝર્સના ડેટા ચીનના સર્વરને મોકલવાનો આરોપ લાગતો આવ્યો છે.
નોંધનીય છે કે ભારતના લાખો યૂઝર્સ નિયમિતપણે ટિકટોક, હેલો, બિગો લાઇવ, ઝેન્ડર, યુસી બ્રાઉઝર જેવી ચાઇનીઝ એપ્લિકેશન્સનો વપરાશ કરે છે ત્યારે જો આ યૂઝર્સ દ્વારા આ ચાઇનીઝ એપ્લિકેશન્સનો બહિષ્કાર કરીને તેને દૂર કરવામાં આવે તો તેનાથી ભારત ચીનની આર્થિક કમર તોડવામાં સક્ષમ થશે અને મોટી લપડાક આપવામાં પણ સફળ થશે.
(સંકેત)
