1. Home
  2. revoinews
  3. કોરોનાને કારણે ગોવાના પૂર્વ સ્વાસ્થ્ય મંત્રી ડૉ.સુરેશ આમોનકરનું નિધન
કોરોનાને કારણે ગોવાના પૂર્વ સ્વાસ્થ્ય મંત્રી ડૉ.સુરેશ આમોનકરનું નિધન

કોરોનાને કારણે ગોવાના પૂર્વ સ્વાસ્થ્ય મંત્રી ડૉ.સુરેશ આમોનકરનું નિધન

0
  • ગોવાના પૂર્વ સ્વાસ્થ્ય મંત્રી ડૉ.સુરેશ આમોનકરનું કોરોનાથી નિધન
  • મુખ્યમંત્રી પ્રમોદ સાવંતે ટ્વીટ મારફતે નિધન પર દુ:ખ વ્યક્ત કર્યું
  • રાજ્યના સ્વાસ્થ્ય મંત્રી વિશ્વજીત રાણે એ પણ શોક વ્યક્ત કર્યો

ગોવાના પૂર્વ સ્વાસ્થ્ય મંત્રી અને ભાજપના પૂર્વ પ્રદેશ અધ્યક્ષ ડૉ.સુરેશ આમોનકરનું કોરોના વાયરસના સંક્રમણને કારણે નિધન થયું છે. કોરોના વાયરસથી સંક્રમિત થયા બાદ તેમને 21 જૂનના રોજ હોસ્પિટલમાં સારવાર અર્થે ખસેડાયા હતા. મુખ્યમંત્રી પ્રમોદ સાંવતે પણ આમોનકરના નિધન પર દુ:ખ વ્યક્ત કર્યું છે.

મુખ્યમંત્રી સાવંતે નિધન પર દુ:ખ વ્યક્ત કરતા પોતાના ટ્વીટમાં લખ્યું કે, ભાજપના ગોવા પ્રદેશના પૂર્વ અધ્યક્ષ અને ગોવા સરકારના પૂર્વ કેબિનેટ મંત્રી ડૉ.સુરેશ અમોનકરના નિધનથી ઉંડો આઘાત લાગ્યો છે. ગોવા રાજ્ય માટે તેઓએ વિશેષ યોગદાન આપ્યું છે અને જેને ક્યારેય ભૂલવામાં નહીં આવે. શોકાતુર પરિવાર પ્રતિ હું પ્રેમ વ્યક્ત કરું છું અને તેમની આત્માને શાંતિ મળે તે માટે ભગવાનને પ્રાર્થના કરું છું.

રાજ્યના સ્વાસ્થ્ય મંત્રી વિશ્વજીત રાણેએ પણ ગોવા ભાજપના પૂર્વ અધ્યક્ષ અમોનકરનું કોરોનાના કારણે નિધન થયું હોવાની પુષ્ટી કરી છે. ડો. સુરેશ કુસો આમોનકર 1999માં અને 2002માં ગોવા વિધાનસભા ચૂંટણીમાં ભારતીય જનતા પાર્ટીના સભ્ય તરીકે ગોવા વિધાનસભા માટે ચૂંટાયા હતા. 

ડો. સુરેશ આમોનકર મનોહર પર્રિકર મંત્રીમંડળમાં સ્વાસ્થ્ય, સમાજ કલ્યાણ અને શ્રમ અને રોજગાર મંત્રી તરીકે ફરજ બજાવી ચૂક્યા છે. તેઓ 2007માં  ગોવા ધારાસભ્યની ચૂંટણીમાં કોંગ્રેસ પાર્ટીના ઉમેદવારની સામે હારી ગયા હતા. 

(સંકેત)

LEAVE YOUR COMMENT

Your email address will not be published.