- આઈપીએલ 2020 નું શેડ્યૂલ જાહેર
- 19 સપ્ટેમ્બરથી 10 નવેમ્બર સુધી યોજાશે આઈપીએલ
- મુંબઈ અને ચેન્નાઈ વચ્ચે રમાશે પ્રથમ મેચ
- આઈપીએલના આ શેડ્યૂલથી ફેંસમાં ખુશીનો માહોલ
મુંબઈ: આઈપીએલ 2020નું શેડ્યૂલ જાહેર કરવામાં આવ્યું છે. હવે આઈપીએલની 13મી સીઝન યોજાનારી છે. આઈપીએલ યુએઈમાં 19 સપ્ટેમ્બરથી 10 નવેમ્બર સુધી યોજાશે. ઉદઘાટન મેચ આઈપીએલની બે સૌથી સફળ ટીમો રોહિત શર્માની આગેવાની હેઠળના મુંબઈ ઈન્ડિયન્સ અને એમએસ ધોનીની ચેન્નઈ સુપર કિંગ્સ વચ્ચે રમાશે. જેની અપેક્ષા અગાઉ કરવામાં આવી હતી.
આઈપીએલ 13નું આયોજન માર્ચમાં થવાનું હતું, પરંતુ કોરોના વાયરસને કારણે તે અનિશ્ચિત સમય માટે મુલતવી રાખવામાં આવ્યું હતું, પરંતુ બીસીસીઆઈને તેની ઇવેન્ટની વિંડો મળતાં પહેલા એશિયા કપ અને ત્યારબાદ ટી 20 વર્લ્ડ કપ આવતા વર્ષ સુધી મોકૂફ રાખવામાં આવ્યો હતો. અને બીસીસીઆઈએ પણ આ તકનો પૂરો લાભ લઇ તેને યુએઈમાં ગોઠવવાનું નક્કી કર્યું.
શનિવારે પ્રથમ મેચ બાદ દુબઈમાં રવિવારે દિલ્હી કેપિટલ્સ અને કિંગ્સ ઇલેવન પંજાબ વચ્ચે રમાશે અને ટૂર્નામેન્ટની ત્રીજી મેચ સોમવારે સનરાઇઝર્સ હૈદરાબાદ અને રોયલ ચેલેન્જર્સ વચ્ચે થશે. આ પછી શાહજહાંમાં 22 સપ્ટેમ્બરે રાજસ્થાન રોયલ્સ અને ચેન્નાઈ સુપર કિંગ્સ વચ્ચે મેચ યોજાશે. આ વખતે લીગની આખી સીઝન 53 દિવસ સુધી ચાલશે. જેમાં કુલ 10 ડબલ-હેડર મેચ હશે અને પ્લેઓફ મેચની જાહેરાત પછીથી કરવામાં આવશે.
દુનિયાની સૌથી મોટી ટી 20 ક્રિકેટ લીગમાંથી એક આઈપીએલનું આયોજન યુએઈના ત્રણ સ્થળોએ અબુધાબી, દુબઇ અને શારજાહમાં થશે. ભારતીય સમય મુજબ મેચ બપોરે સાડા ત્રણ વાગ્યે શરૂ થશે અને સાંજે સાડા સાત વાગ્યે શરૂ થશે. સાંજની મેચ અડધા કલાક પહેલાં કરવામાં આવી છે. 24 મેચ દુબઇમાં, 20 અબુધાબીમાં અને 12 શારજાહમાં રમાશે.
ધોનીની નિવૃત્તિ પર રોહિત શર્માએ ટ્વિટ કરીને અભિનંદન આપતાં કહ્યું હતું કે 19 સપ્ટેમ્બરના રોજ ટોસ પર મળીશું. આઈપીએલના આ શેડ્યૂલથી ફેંસ ખૂબ જ ખુશ છે, કારણ કે પહેલી જ મેચમાં તેમને આઈપીએલની બે શ્રેષ્ઠ ટીમો વચ્ચેની રોમાંચક મેચ જોવા મળશે.
_Devanshi