દૂધ એ વિટામિન, કેલ્શિયમ, પ્રોટીન, નિયાસિન, ફોસ્ફરસ અને પોટેશિયમનો ખજાનો હોય છે. પરંતુ, શું તમને એ ખબર છે કે ઠંડા દૂધથી વધારે ગરમ દૂધ પીવાના ફાયદા વધુ હોય છે.
કેલ્શિયમની ઉણપ પૂરે છે
આપણા શરીરમાં રહેલા હાડકા અને દાંતોને કેલ્શિયમની જરૂર હોય છે. દરરોજ ગરમ દૂધ પીવાથી આપણા દાંત અને હાડકાં મજબૂત બને છે. એટલે મોર્નિંગ ડાયેટ અને ડિનર પછી ગરમ દૂધ જરૂરથી પીવું જોઈએ.
ભરપૂર પ્રોટીન
દૂધમાં પ્રોટીનની માત્રા ઘણી વધારે હોય છે અને માંસપેશીઓ માટે પ્રોટીન ખૂબ જરૂરી છે. સામાન્ય રીતે તમે જોયું હશે કે જિમ વર્કઆઉટ કરતા લોકો દૂધ અથવા તો મિલ્કશેક પીવાનું ક્યારેય નથી ભૂલતા. તેનું કારણ એ જ છે કે દૂધથી તેમના શરીરને પૂરતું પ્રોટીન મળી જાય છે.
કબજિયાતથી છૂટકારો
જો તમને કબજિયાતની તકલીફ છે તો ગરમ દૂધ ઘણું ફાયદાકારક સાબિત થશે. આ આપણી પાચનશક્તિને મજબૂત બનાવવાનું કામ કરે છે. ડોક્ટર પાસેથી કબજિયાતની દવા લેવાને બદલે જો તમે રાતે ગરમ દૂધ પીવો તો આ પરેશાનીમાંથી મુક્ત થઈ શકો છો.
હાઇડ્રેશનની તકલીફ
શું તમે જાણો છો કે દૂધ પીવાથી આપણું શરીર હાઇડ્રેટેડ થાય છે. વર્કઆઉટ ખતમ કર્યા પછી દૂધ પીવાથી શરીરને પોષણ મળે છે. ડીહાઇડ્રેશનથી બચવા માટે તમારે દરરોજ એક ગ્લાસ દૂધ પીવું જોઈએ.
તણાવને દૂર કરે છે
ઓફિસમાં કામનું પ્રેશર વધવાને કારણે ઘણીવાર આપણે તણાવમાં આવી જઈએ છે. આ પરિસ્થિતિમાં રાતે એક ગ્લાસ ગરમ દૂધ તેનો રામબાણ ઇલાજ હોઈ શકે છે. ગરમ દૂધ તમને તણાવમાંથી મુક્ત કરવામાં પણ મદદરૂપ છે.