આઝમગઢ : યુપીના આઝમગઢમાં એક બેહદ ચોંકાવનારો કિસ્સો સામે આવ્યો છે. આ મામલામાં ધૃણાસ્પદ બાબત એ છે કે એક પુત્રવધૂ પર ચાર પત્નીઓવાળા એક સસરાએ બળાત્કાર કર્યો છે. આ મામલે પીડિત પુત્રવધૂ દ્વારા સસરા સામે બળાત્કારની ફરિયાદ કરવામાં આવી છે.
ચાર-ચાર બીબીઓ છતાં પણ સસરાએ તેની પુત્રવધૂ પર હેવાનિયત દેખાડીને તેને પોતાની વાસનાનો શિકાર બનાવી છે. મીડિયા અહેવાલો મુજબ, એક દિવસ સસરાએ બાથરૂમમાં પીઠ પર સાબુ લગાવવા માટે પીડિતાને બોલાવી અને ત્યાં તેની સાથે બળાત્કાર કર્યો હતો. બૂમાબૂમ થતાં પરિવારના લોકો એકઠા થયા હતા, તો સસરાએ તેની પુત્રવધૂ પર જ આરોપ લગાવી દીધો હતો. તેને પરિવારજનો દ્વારા ઓરડામાં બંધ કરવામાં આવી હતી.
ઘણાં કલાકો બાદ પુત્રવધૂએ પોતાના પિયરિયા અને પોલીસને જાણકારી આપી હતી. ઘટનાસ્થળે પહોંચીને પોલીસે પુત્રવધૂને ઓરડાની બહાર કાઢી હતી. આ મામલાને દબાવવાનો પુરો પ્રયાસ કરવામાં આવ્યો હતો. પરંતુ પુત્રવધૂએ કોઈનું સાંભળ્યું નહીં. મુબારકપુર પોલીસ સ્ટેશન વિસ્તારમાં રહેતી પુત્રવધૂએ તેના સસરા સામે બળાત્કારનો આરોપ લગાવીને ફરિયાદ કરી છે.
પીડિતે પોતાના ચાર બીબીઓ વાળા સસરાથી છૂટકારો મેળવવા માટે પણ એસપી સમક્ષ ગુહાર લગાવી છે. પોલીસે કેસ નોંધીને તપાસ શરૂ કરી દીધી છે.