- વગર લક્ષણે કોરોના પોઝીટીવ જોવા મળ્યા ચિરંજીવી
- ચિરંજીવીએ ખુદ ટવિટ કરી આપી માહિતી
- બે દિવસ પહેલા તેલંગણાના સીએમ સાથે કરી હતી મુલાકાત
બેંગ્લોર: દુનિયાભરમાં કોરોના વાયરસની અસર પડી છે. ભારતમાં પણ આ વાયરસનો પ્રકોપ જારી છે. દેશમાં અત્યાર સુધીમાં 85 લાખથી વધુ કોરોના કેસ આવી ચૂક્યા છે,જેમાંથી 79 લાખ લોકો આ જંગ જીતી ચુક્યા છે,પરંતુ આ બીમારીને કારણે એક લાખથી વધુ લોકોએ પોતાનો જીવ ગુમાવ્યો છે. આ બીમારીની ઝપેટમાં મનોરંજન જગતના ઘણા સ્ટાર્સ પણ આવી ચુક્યા છે. હવે સાઉથની ફિલ્મના દિગ્ગજ અભિનેતા ચિરંજીવી પણ કોરોનાથી સંક્રમિત જાણવા મળ્યા છે.
સાઉથના મેગાસ્ટારર અભિનેતા ચિરંજીવી કોરોના વાયરસથી સંક્રમિત જોવા મળ્યા છે. 65 વર્ષીય અભિનેતા ચિરંજીવીએ ખુદ ટ્વિટ કરીને આ અંગે માહિતી આપી હતી. આગામી ફિલ્મ આચાર્ય શૂટિંગ શરૂ કરતા પહેલા ચિરંજીવીએ તેનો કોવિડ ટેસ્ટ કરાવ્યો હતો. ટેસ્ટમાં તેનો રીપોર્ટ પોઝીટીવ આવ્યો છે.
ચિરંજીવીએ ટ્વિટ કરીને લખ્યું કે,”મને કોઈ પ્રકારનાં કોરોનાના લક્ષણો નથી.” હવે હું હોમ આઇસોલેશન છું. છેલ્લા 4-5 દિવસમાં જે પણ મારી સાથે સંપર્કમાં આવ્યા છે તે દરેકને ટેસ્ટ કરાવવું જોઈએ. લોકોને મારા સ્વાસ્થ્ય વિશે જાગૃત કરાવતો રહીશ.
ચિરંજીવી 7 નવેમ્બરના રોજ તેલંગાણાના મુખ્યમંત્રી કે.ચંદ્રશેખર રાવને મળ્યા હતા. મીડિયા રિપોર્ટ્સ મુજબ આ સમય દરમિયાન તેણે માસ્ક લગાવેલ ન હતું. તેણે ફક્ત તેનો માસ્ક તેના હાથમાં પકડ્યો હતો. આ સમય દરમિયાન સાઉથના સુપરસ્ટાર નાગાર્જુન પણ ત્યાં હાજર હતા. ચિરંજીવીના આ ટ્વિટ પછી ફેંસ સાથેની સેલેબ્રિટી તેમની ઝડપથી સ્વસ્થતા માટે પ્રાર્થના કરી રહી છે.
_Devanshi