મોડાસાની સ્કૂલના વિદ્યાર્થીઓ ધો-10 CBSEની પરીક્ષામાં મેળવી સિદ્ધ
મોટી ઇસરોલ: ધો-૧૦ અને ૧૨ની પરીક્ષાઓ યોજાઈ ગયા બાદ હવે ધીમે ધીમે પરિણામો બોર્ડ દ્વારા જાહેર કરવામાં આવી રહ્યા છે. તાજેતરમાં જ ધો-૧૦ CBSEની પરીક્ષાના પરિણામો જાહેર થયા હતા. જેમાં અરવલ્લી જિલ્લામાં પ્રથમ અને દ્વિત્તિય ક્રમે મોડાસાની પ્રાર્થના સ્કૂલના વિદ્યાર્થીઓ ઝળક્યાં છે. આ પરિણામોમાં પ્રાર્થના સ્કૂલે ૧૦૦ ટકા પરિણામ મેળવ્યું છે.
ધો-૧૦ CBSE પરીક્ષાના પરિણામો જાહેર થયા હતા. જેમાં મોડાસાની પ્રાર્થના સ્કૂલનું ઝળહળતું પરિણામ રહ્યું હતું. ૫૦ ટકા કરતાં વધુ વિદ્યાર્થીઓએ A-1 અને A-2 ગ્રેડ મેળવ્યો હતો. સમગ્ર જિલ્લામાં પ્રથમ અને દ્વિત્તિય નંબરે પ્રાર્થના સ્કૂલના વિદ્યાર્થીઓએ મેદાન મારતાં સ્કૂલનું ગૌરવ વધાર્યું છે. અરવલ્લી જિલ્લામાં A-1 ગ્રેડ મેળવી ૯૬.૬૦ ટકા સાથે પ્રથમ નંબરે શાળાની વિદ્યાર્થીની ફૈરી પટેલ રહી હતી. જ્યારે જિલ્લામાં A-1 ગ્રેડ મેળવી ૯૫.૬૦ ટકા સાથે દ્વિત્તિય નંબરે પણ પ્રાર્થના સ્કૂલનો જ વિદ્યાર્થી રહેતાં શાળાના મેનેજીંગ ટ્રસ્ટી કનુભાઈ પટેલ, ડિરેક્ટર મંથન રાજગુરૂ, ટ્રસ્ટી નટુભાઈ પટેલ તેમજ ટ્રસ્ટી મંડળે વિદ્યાર્થીઓ અને શિક્ષકોને અભિનંદન પાઠવ્યા હતા.
